قصيدة بمناسبة المأدبة التي قام
بها راكان بن حمرون العنزي
تكريماً لقبيلة عنزه ومرشحها
في الجلس البلدي خالدبن شحاذه العنزي
في محافظة الخفجي
سلام يالويلان وافين الأشبار
حياكـــم الله وارحــبــو الــف مـليـون
في ليلةٍ تزهابها شبة النار
وفنجالها ينـساق بالرفـــق والهــون
الفضل لله ثم للي بها ثار
رفع ثقيل الحـمل عـن كـتــف مديون
راكان ياركان يانسل الأحرار
رحت ورجعت وجبتها يابن حمرون
غنيمةٍ تبقى للأجواد تذكار
عساك للقــوة معــزز وميمــــــــون
لك عندنا قيمه وحشمه ومقدار
والجود للـــطــيب مثبت ومرهــون
وأنا من الشملان ماني بمحتار
في ذكر ربعي والنشـامى يعـرفـون
يومنها بالسيف والضيف والجار
ربعي على جزل المعاني يسمـون
وعندي طلب مايحتمل كثر الأعذار
تكفون يالويلان تكفون تكـــــفون
نبي الياصارت مجاميع وانصار
اصــــواتكـــم ياربعنا لاتغــيبـون
في حزة التصويت ناقف ونختار
خالد شحاذه ان بغيتو تــفـوزون
المواضيع المتشابهه
هلا وغلا 
العرض العادي
