دخلت هذا الليــل من بــابه الطين
قبّلت ( كـف البـرد ) لا يقـفل البـاب
هذي عناويني مجرد عنا / وين ؟!
مـا لاحت الذكرى و غنّوا لـي احباب
يا .. جنّة التفاح و .. غناية التين !
من لوزة الوادي إلى عـروش الأعناب
في القرية الخضرا على ذمة البين
زينت لي : طـرقٍ له عروق و أهداب
يا احبابنا الغيّاب طيّب .. وبعدين ؟
بعدين يا طيّب .. و اذا غاب من غاب !
كف العتيم تلملم السهد في العين
و تضيق في عيني على سهد و عتاب
و لو إني أوجس للقصيدة شرايين
قطعت عرق و سالت دروب الأغراب
مثل الخريف اللي قطع قلب تشرين
الصمت : أصفر , و أخضر البوح : كذاب
المواضيع المتشابهه
يآ آحبآبنآ آلغيآب " طيب .. و بعدين ؟؟
العرض العادي
