::
السلام عليكم ورحمة الله وبركاته
مرّة أخرى ها أنا أكتب ما لم أجد له تسمية حتى الآن .. ولكن يكفيني كونه من قلبي وبدون شوائب ..
أتمنّى أن تعذروني لهذا الهذيان الذي سوف تقرأونه ..
::
مـدخــــــــــل ..
[poem=font="Simplified Arabic,5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
من ضيق صدري جيت لك يا دفتري=لا ضقت ما يطري عليّ أحد سواك[/poem]
، ، ،
يا دفتر .. أفتح صفحتكـ ..
ويا عين .. هلّي دمعتكـ ..
ويا قلب .. خفّف دقّتكـ ..
ما عاد ينفعني السكوت ..
، ، ،
إلى متى وأنا كتوم ..
عايش .. ولكنّي محروم ..
والصدر .. تملاه الهموم ..
والدمع .. بأطراف الكموم ..
، ، ،
عندي كلام .. بخاطري ..
للغايبه .. عن ناظري ..
اللي عشان .. عيونها ..
أصبحت .. شخص شاعري ..
، ، ،
الشعر كلّه .. لأجلها ..
ما حب قلبي مثلها ..
حتّى ولو ترحل بعيد ..
ما فيه شعر يملّها ..
، ، ،
كل ما نويت .. أكتب قصيد ..
يفزّ قلبي من جديد ..
يذكر حبيبه الأولي ..
اللي تركـ قلبه وحيد ..
، ، ،
نفسي أشوفه لو .. شوّي ..
محتاج في ظلماي .. ضيّ ..
من عقبها .. مانيب حيّ ..
محتاج أشوفه .. ما يصير .. ؟؟
، ، ،
أبي أعرف .. علومها ..
وشلون عاشت يومها ..
هي في فرح .. ولا بكى .. ؟؟
أو .. هي تهنّا بنومها .. ؟؟
، ، ،
مدري .. أحسّ أنها نست ..
وأنّها .. بعد بُعدي قست ..
وإن كان كل هذا صحيح ..
أبيها تسمع ما يلـــــي ..
[poem=font="Simplified Arabic,5,orangered,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هيه ياللي ناسيتني .. هو صحيـح أنّـك نسيتـي=هو صحيح أنّك نسيتي .. من أخبـرك تعشقينـه
:
كنت أخبرك .. لو أغيب شوي عن عينك بكيتـي=وإن حضرت .. بشوف عيني دمع عينك تمسحينه
:
وأذكر أنكـ.. لا بغيتيني علـى شانـي سريتـي=وكل حاجز بيني وبينـك .. بشوقـك تكسرينـه
:
وأذكر أوّل يوم شفتك .. يوم شفتيني أستحيتـي=يوم قلتي .. أنت "........" قلت يا قلبه وعينـه
:
وأذكر أنّي يوم شفتك .. طاح قلبي مـا دريتـي=لعنبوا من لام قلبـي .. يـوم صرتـي تملكينـه[/poem]
، ، ،
مهما قسيتي .. غالــــــــيه ..
ومهما نسيتي .. غالـــــــيه ..
..
أدري أن قلبكـ .. حنّ لي ..
وأدري أنّها .. راحت عليّ ..
..
وأدري أنّ ودّكـ .. ترجعين ..
وفي وسط حضني .. ترتمين ..
..
ودّي وودّكـ .. بس خلاص ..
حكم الزمن .. مثل القصاص ..
ما فيه رحمه .. أو رجوع ..
، ، ،
مخـــــــــــــــرج ..
[poem=font="Simplified Arabic,5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يا قلب قفّل بابـك ونـام وأرتـاح=اللي سكن بك راح وأصبحت خالي
:
ويا دفتري لاهنت كافـي تصفّـاح=تكفى .. تراني ضقت ممّا جرالي[/poem]
::
أدري أنّها ثرثره وكثرة حكي .. بس .. وربّي أنها من قلبي .. ولو ما كتبتها ماكان أرتحت ..
أتمنّى أن تكون صدوركم وسيعه لي ولهذه الخاطره .. وأن تكون في مستواكم ..
::
::
ماجد المرّي
_-_ الخطر _-_
المواضيع المتشابهه
حكم الزمن .. مثل القصاص .. !! " هذيان "
العرض العادي
