من عـز نفسـه مايذلونـه النـاس
ومـن ذل نفسـه لايـدور معـزه
والحر يكفخ بالسمـا دون مقيـاس
وعش الحمام يطيح لااهتـز هـزّه
والطيب للطيّب شريعـه ونبـراس
والا الـردي طيبـه لجيبـك يلـزّه
يبه درست العـز منـك بكـراس
من عـزك بقلبـه بروحـك تعـزّه
تعطيه من صافي المحبه والاحساس
ويصير لك بلسم خفوقـك وعـزّه
دامك كريم وهو كريم وعلى ساس
زرع الغلا صعب ٍ على النذل جزّه
تزهر نواويره وتخضـر الايبـاس
وتنعش خفوق حزن الايـام كـزه
ويهب من ذيك النواويـر نسنـاس
وتهديه من علمـه وطيبـه يـرزه
يستاهل من الود مافـاق الالمـاس
ويستاهل من الروح مليـون فـزه
ويستاهل من الحب مايرفع الـراس
حب بوريـدي يندهـه كـل حـزه
ومن عز نفسه عزته باقـي النـاس
ومن ذل نفسه مابقـى لـه معـزه .
المواضيع المتشابهه
العرض العادي
