على يميني للشدايد مْحمّد
واللي شمالي للمواجيب سلطان
اعيال ابن دعدوش سنّد وعمّد
من وين ماوجهت تلقى لهم شان
من روس قومٌ سيفهم مايغمّد
يوم العرب صح وخطا ذيك الازمان
مافيهم اللي بالمراجل تجمّد
كسابة الناموس والطيب عنوان
المجلس اللي مانّغلق ومْتصمّد
ينصونه الخطار من كل الاوطان
نار الضيافه جمرها مايخمّد
ومبهراتٍ حافها شغل فنان
وتمر الـ خلاص المستوي ماتهمّد
يقبل له الضيفان ويروح ضيفان
وعلومهم وصفة جروحٍ تْضمّد
تشرح صدر من صار ضايق وزعلان
سوالفٍ ذربه ولاهي تسمّد
جملة معانيها لها روح وسمّان
ومن يعبدالله يشكره ويتحمّد
سبحان رزاق المخاليق سبحان
المواضيع المتشابهه
العرض العادي
