يابوي ليتك حيّ وتشوف حالي
تشوف وش هو صار من بعد فرقاك
صار الوطن بعدك من الناس خالي
صار الوطن غربه بعد مافقدناك
يابوي أنا بعدّك سهيرة الليالي
مقهورة من دنيّاي منّا ومنّاك
حدتني الدنيا وأنا راس مالي
إني عزيزة النفس مثلك وشرواك
مافيه شيٍ في حياتي صفالي
حتى الورود إن جيتها صارت أشواك
أطيح واحمولي عليّه إثقالي
وأتخيلك مديت لي كف يمناك
بعدّك ولامره ترى إرتاح بالي
أصفّق على كفي ندم وآتحراك
من ضيقتي ياكّم أصّدق خيالي
وأقوم أدوّر عنّك وآقول بـالقاك
أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟
أدري لو إنك حي ياعز غالي
يمديك تفزع قبل ماجيك وانخاك
ويلاه ياحالي وماهو جرالي
ويلاه ياقلبٍ تعذب في طرياك
ويلاه يابويّه من اول وتالي
لا والله أول كان ينجيني إدعاك
واليوم من عقبك وش اللي بقالي
غير إني ادعي ربي يغفر خطاياك
يالله حطّه وسط منزال عالي
في جنة الفردوس يارب الافلاك
واغفر ذنوبه ياعزيز الجلالي
وشرح لي صدرٍ ضاق من جّور دنياك
صح الله اللسانك
وعسا الله يجعل مزلته بالجنة البارده يامذهلة الله الله بالدعاء ولاهنتي على كل حال
المواضيع المتشابهه
العرض العادي
