( ملحـــــمة اللــــيث والمهــــاة وبنات آوى )

[ماجد الزيد]

[rams]http://www.bof3d.com/up/File/10-2007/bof3d_comok0ozc60.rm[/rams]

[poem=font="Simplified Arabic,6,white,bold,italic" bkcolor="firebrick" bkimage="" border="none,4,white" type=2 line=0 align=center use=ex num="1,white"]
بسمك اللهم يارب الجلالي=بارك اللّه من نظم هالملحميّة
بارك الرحمن من قافه مثالي=يحفظه من شر كل نفس وأذيّة
بلغوا الطرقي إنْ عَزَمْ للارتحالي=ياخذ القاف ويروح العقربيّة
قاف نافذ مثل نبلن من خلالي=يوم قالوا باقي وترحل شويّة
كان لك قدره على وصلي تعالي=الحقي عمري دنا موتي إليّه
أعشقك واعشق مداهيل العوالي=ومن عرفتك قد نسيت إن لي خويّة
اطلع براس الطويل وفي خيالي= صوت عودن يوصي مثلي يابنيّة
قال للي:.... ماجد دع الحب الثُّمالي= لاتضيَّع حالك بحب الصبيّة
اصعط جنونك دع الحب لاتبالي= قبل لاتشوى على نار(ن)صليّه
الرجال وبيدوا حيل التوالي= ماقوتهم بالحيل او هي بهيّة
والبنيّ لوهن نون ابن الهلالي= ماتفيده لا شجاعه لا حميّة
وقلبك الّي ملاعب(ن)نجم الشمالي= يرضخنّه والبلا الطيحة قويّة
لايعافى ولا يموت ولا يشالي= وتسْمع نّياحك من الجوف الحويّه
تحسب انْهِنْ يرحم(ن) دمع(ن)همالي= البني يموتن على دموع الضحيّه
يتركنّه لين يشرف للزوالي= ويسعفنّه لأوشك من المهلكيّة
ما ارحمنّه لاجل يبرى من اعتلالي!!!= لاجل مانفسه تحررها المنيّه
لاشهر(ن) رمح الغنج ويّ ا الجمالي= يرم(ن) الرجال من ظهر العبيّه
ناره(ن) لو تلفح متون الجبالي= تصهر الصوّان نار اجهنّميّه
الزم المسجد قبل يوم السؤالي= وصاحب اللي يعشقون المهمهيّه
النهار ان صار دون عن الليالي= وبانت العقرب تبشر ببرديّه
قبّعوا يم الذريّع والجلالي= ومنّهن يم الرعن عود القريّه
ولا اعتلى الذابح سعد والجو مالي= تزهر الفياض وتغنّي صفريّه
وجّهوا غرب(ن)الى صحصاح عالي= للحماد وشفّهم صفق الرميّة
عدّو اعقوم الحماية بالعجالي= وقصّوا الحرّه سوى لوهي امحميّه
يرخصون المال والمال امتثالي= وللدراسه والوظيفة كل تحيّه
يقطعون الوادي بالوادي هبالي= جيبهم كنّه الا حنّ ارعديّه
ويل عنز الرّيم ....تعرض للرجالي!!!= ماتضيع الا يضيع العمر ديّه
تزبن الجال بمضى صوب العوالي= وجيبهم يرقى وراها بمقدريّه
ثمّ تُصْفق بالطلق والخشف يسالي= سلّ سلّه والحقوه ابها سويّه
يكشف الرّمي النشاما... ثم تعآآآآلي= امكنوا هجّوا ترى الدولة حريّه
ويمسك الطاره صميدع مايبالي= يشلق القاع ان دعس رجل العطيّه
والحماية بثر جيبه كالظلالي= غيْر بأنه دايس الظلما سنيّه
عارف(ن) وجه الحماد ابن الحلالي= عرفه لناسه وربعه مع ذويّه
أطفا نور الجيب يتلونه؟...... محااااالي!!!= والحماية تصفق الكف بخويّه
شدّ حيله راعي الجيب الكْمالي= ولا وقف الّا مافوق العجرميّه
نزّل العزبه وثم دنّ الدلالي= وشبّ ضوّ(ن) يجلب الطرقي ضويّه
قلت يالعود الكبير اوجعت بالي=لاتعد الّي مضى أنْه أمثليّة
فكّني مالي سلى عمّا غدالي =ولا لفقدي لاصبر او عائضيّه
الهوى دائن ونا دائي دوائي= داوني بام العيون(ن) الشركسيّه
كم فتى ً ولّا بفال(ن) غير فالي=كيف لوهو عاشق(ن) له عسلجيّه
يصحب الريم الجفوله والغزالي=ثمِّ يرعى بالظباء رعي الشليّه
يا لفنّه كثر ولفه للهمالي=سايح(ن) وسط القفار الجرهديّه
يرمي العزبة على كتوف السهالي=وينقل (اربابه)وناي وسمسميّه
ثمِّ يسحب في قصايدْه الجزالي=هيّضه للبنت صوت الراعبيّه
الوجد ذوّب خفوقه.لين. سالي=يومِ شاف الريم مقتوله بريّه
يالنّصوح افهمني نصْحك ماعنالي=وأعلم انّك ماخذه من تمثليّه
لكن الواقع بعيييييد عن المثالي=انت عنّي كالوطاة عن العليّه
هذا انا ياهيهِ وافهم ماجرالي=بالليالي كم نقل راسي عليّه
وهذا انا ياهيه واسمع ماطرالي=يوم شبيت السعيره من هنيّه
لاجزاك الله خير(ن)وش بقالي=من بعد بنت الشيوخ الجابريّه
لاتوصّيني وكف قول الهزالي=ولا تفلسف بالحكم مالك وليّه
لو عشقت أشباهها... جاك الخبالي=كيف لو تعشق حسن كل البرية
ياعمرو ماجتك ياعمرو الجلالي=لاقطعت ارض(ن) ولاجتك المجيّه
لو وطيت بكل حالات الرمالي=من سنين(ن)صار لك جيّه وجيّه
كفّ عنّي خل قولك للعيالي=شيبي عن خمسين بعثه خارجيّه
الهوى لأحكم على قلوب الرجالي=قفّلوا المشفى وصكّوا الصيدليّه
والهنوف الي ملكت خير الخصالي=نادرة ...لاوالله الا اوحديّه
(ا)رحلت جبر وبدى ينسم حالي =شدّو أهلها بها لارض اقطريّه
ليتي ماعرفت الهوى داله وسالي=لاهوى شرقي ولا بي من بليّه
وشفتها وشفت الجمال الي انزوالي=غير عن كل البنات اليعربيّه
لو بوصّف حسنها شيّن يقالي=وبعض شيّن لو يوصّف كارثيّه
كان كلّن عاف عشقة من مقالي=وين له مثل الهنوف السرمديّه
لاقصيره لا. ولا ضمن الطوالي=وفارعة وقت التشهد والتحيّه
خصرها عفوي يتثنا في تعالي=والحشا مثل المراة الزالقيّه
ومادنا لاشفته (ا)يجيني اختلالي=اسرق النظرة وتزعّل مستحيّه
غير بانّي شفت هالسّاق وبدالي=ابيض(ن)مصبوب صبّ المزهريّه
عينها لاسلهمت لي باختيالي=اشعر ان الكون بعيون النقية
ماجد(ن)ماهو بالاول ياحلالي=قولوا يعني.... قيس ليلى العامريّة
مثْله أمسي بالخلاوي دون أبالي=الثّرى فراشي وترعاني الثريّة
انقطع حبل الرجا وكل الحبالي=من تعدّت حد سلمى موادعيّة
راعني علم الوداع وجيت مالي=غير بدع القاف حزّة مغربيّه
كانها لازالت بذاك الغلا...لي=بلّغوها باقي لماجد وصيّه
لاسمعتي بأنني جاني مجالي=وحضرت ساعة ملاقاة المنيّه
اعلمي بأنّك سبب كل اعتلالي=وش هنوف(ن) خلّت الليث الضحيّه
والله انّي ياحلالي لا ابالي=حزّة المغرب وجت كيبورديّة
جيت اوقّف لكن الهاجس ندآآآلي=جابلي من وادي عبقر شيصبيّه
وافيه عنقا جزاله عيطبالي=ساقها لي الحوت حوت المظلميّه
من وسط غبّه بها سبعة ظُلالي=ظلمتن من فوق ظلمه خرمسيّه
والّذي انزل كتاب(ن) غير بالي=فيه فات وآت وعظات(ن)جليَّه
مرتجلها جل جلّا ذو الجلالي=واهبي علْم(ن) لدن ماشفتِ زيّه
واحد(ن)فرد(ن)احد منشي الثقالي=يخبط(ن) غيث(ن)تسحّه عقربيّه
الّله الّي قد حماني بما مضالي=بالعشر والحشر والسّبع الثنيّه
واللّه الّي مدّني بالّي طغالي=وعزّز (أ)بما... ما لغيري بكمّ ميّه
ربّي حبس(ن)حابس(ن) يالمُتعالي=مع شهاب(ن)قابس(ن)لي حارزيّة
ربّي لسْنا الّْا عبيدك والموالي=ياإلاهي انتَ جاهي لا الدعّيه
أنتَ من أنعم علي والشّعر مالي=لاتكلني لنفسي او نفس الغويّه
ربّي ان الخلق قالوا ذا محالي=ليس لي !!! من سبك عامر والبقيّة
ربّي هل عامر سوى رجل انعزالي=راعهم طاريه قبل المقدميّه
ربّي هل أتباعي إلا من عيالي=يخطفون البيت قبل ارسم بيديّه
لاغدت مابين قيل وبين قالي=هل سواي احْد(ن) قوى يقص الخطيّه
ولاغدت مابين صال وبين صالي=هل سواي احْد(ن) قوى يرد السريّه
ربّي قد الزمت نفسي ألامتثالي=للصراحة والصّدق مع حسن ِ نيّه
ربّي قد الزمت نفسي لو صفالي=يومي بنسى كل لياليّ الشقيّه
ربّي انّي انْ بعت بابيع غالي=وان شريت افلا سوى رجال(ن) ابيّه
ربّي انّ الليل طال الليل طالي=والعرب مابين هوّ وبين هيّه
العُقال ويبكي من فرقا الحجالي=يوم طارتبه عن الارض الحديّة
يازمان(ن) يخلف الهقوات تالي=يقطع اطْناب المسوبع جاوليّه
المراكي واصبحن تحت الزوالي=والوجار ولا بقى له افضليّه
أشهد الموقف ونا طبعي شمالي=وصدري اوسع من جميع الدائريّه
لكن الصدر الشمالي ان ضاق هالي=ينفجر مثل البراكين (أ)بدويّه
الصّدر دمدم على صوت الجدالي=والكبود أكْلت على نار(ن) ونيّه
اسئل المهموم ويردّ السؤالي=مالقينا له جواب ولا دِريّه
برسل استفهام يومي لمن ومالي=وش علام القومي يرمي الناصريّة
علّموا حزب الوفد ياهمّلالي=والله انّه غارقن ( بس . كن . دري ية )
عمرو موسى يلقي (أ)خطاب ارتجالي=ساعي (أ)بلم العرب يسعدلي بيّه
لكن (أ)معمّرقطع والصّوت طالي=ثاير من العام فزّاع لسميّه
والشّعوب (أ)تقسّمت شيّن سحالي=وسمّوا الاخرى تماسيح خفيّه
وحْدوها ياعمامي ويا خوالي=قبل يغدون العرب لقْمه طريّه
خلّوا البث للجميع ان كان ضالي=علّنا نبصر حلول(ن) عالميّة
كبْدي لو تقدح تبي (أ)تسوي اشتعالي=وعيني اخبرها الا وصلت عميّة
القصف عشوائي كل شيّ احتمالي=يمكن ارمي حتى نفسي في شظيّة
لانها قد وصّلت فوق احتمالي=والقصف جو ارض حايس بالفضيّه
نفسي نفس الّي عشق روس الطوالي=نفس حرّ(ن) مقتله جو الدنية
الزّمن يبطي فلا يعدل عقالي=كاسره يمنى دليل الخالديّة
خ.ن(والشعر شعري فمن ياقف قبالي=يلبس اكفانه ويكتب له وصيّة)[/poem]

[نـواف الشمــري]

الاخ الفاضل // ماجد الزيد




لي الشرف أن أكون أول من يعانق هذه العذبه





أخي الفاضل

ماجد الزيد




تروق لي كلماتك

































وشهادتي بك مجروحه











صح الله لسانك ولا هنت .. قصيده بقمه الجزاله من راس جزل











فالله دررررك يالجزل




















تحياتي لشخصك المحترم

[عشق الشمال]

طويلة ياماجد

طويلة بالحييييييل بالحيل

عمومآ صح لسانك ياااابعدي ,,

[فهدالقحطاني]

صح لسانك


قصيدة رائعه


ننتظر جديدك

[الشميلاني موسى]

صح لسانك


قصيدة رائعه

[الشميلاني موسى]

صح الله لسانك ولا هنت .. قصيده بقمه الجزاله

[عسوووووووووووله]

ماشاء الله

ابيات جميله

107 والشّعـوب (أ)تقسّمـت شيّـن سحالـي . . . وسمّـوا الاخـرى تماسـيـح خفـيّـه

108 وحْدوهـا ياعمـامـي ويــا خـوالـي . . . قبـل يغـدون العـرب لقْـمـه طـريّـه


راااااائع ماكتبت


صح لسانكـ شاعرنا

وسلمت يمناك اخوى ماجد الزيد

[مـصـيـبـة حـلوة]

[align=center][poem= font="Simplified Arabic,5,white,bold,normal" bkcolor="black" bkimage="" border="double,4,skyblue" type=0 line=0 align=center use=ex num="0,black"]
تحسب انْهِـنْ يرحـم(ن) دمع(ن)همالـي=البنـي يموتـن علـى دمـوع الضحيّـه[/poem]


المــســألة يا ماجد الشعر هنا متــكافئة !!!


فكما يعشقن دموع الضحايا !!


هو شعرك أيضاً يجعل منهن ضحايا !!




[poem= font="Simplified Arabic,5,white,bold,normal" bkcolor="black" bkimage="" border="double,4,skyblue" type=0 line=0 align=center use=ex num="0,black"]
خ.ن(والشعر شعري فمـن ياقـف قبالـي=يلبـس اكفانـه ويكتـب لـه وصـيّـة)[/poem]


حتى المتــلقي لشعرك يا ماجــد سيرتدي الكــفن لا محالة فهو صريع حرفك !!!




سيدي ماجد الشعر ,,,,


أجدني دوماً في متصفحك أتنفس معاني الشموخ والعزة ,,,,,


وها أعرف مجدداً في بحر ملاحمك المتلاطم ,,,,


صح نبضك وقلبك وعلا شانك أيها المبدع ,,,,


لقلبك أكاليل تــوليب وباقات أوركيد ,,,,


احترامي وخالص وقاري ,,, [/align]