اليوم كنت بالكويت
اراجع دوائر حكوميه .. علشان معاملة لابوي
المهم .. دخلت ( المكان ) وسالت الشخص الموجود بالاستقبال / وين اودي هالورقة .. قال لايش
قلت : ورقة خاصه للوالد ونبي نخلصها..
قال الباب الخلفي
المهم .. رحت
الا كاونتر .. وفيه بنات
موظفتين
+ زائرتين جالسات يسولفن على الموظفتين
+ ضابط ( تاج ونجمتين ) .. عقيد
يسولف معهن
وبدون سلام طبعا
<< يستحي
مديت الورقه وعطيتها الموظفه
دورت بالسجلات قالت اخوي هذا مو عندنا انزل تحت بالسرداب
نزلت تحت بالسرداب
الا موظفتين على الكونتر اللي تحت
عطيتها الورقه
قالت ( دش على الضابط )
دشيت على الضابط
قلت عندي كذا وكذا
قال روح للمقدم / فلان ..
رحت للمقدم فلان .. الا مو موجود بمكتبه
رجعت للضابط ( الضابط ملازم اول ) نجمتين
قلت مافيه احد
قال اجلس ..
وصار ينادي : يا حصه يا حصه
جت حصه تركض .. ( نعم يا ملازم ) << بغنج ودلع
قال شوفي اوراق ( الريال ) << الريال مو معناها ريال سعودي .. لا المقصد فيها ( رجال )
اخذت مني الاوراق وراحت
ثم رجعت
قالت مالك اسم عندنا
قلت وين اروح
قالت روح للمركز المعلومات جدامنا
رحت لمركز المعلومات
الا شايب ( مصري ) وكانه فلسطيني لابس بدله على غتره
قلت عندي معامله كذا وكذا قال باسم من قلت ابوي ( فلان الفلاني ) قال اها هذا زمان خلصتنا
اكثر قبل اكثر من ثلاث أو اربع سنوات
( اهب يا الشويب .. للحين متذكر ...
" ماشاء الله " .. )
لكن هذي ارسلتها انا زمان روح شوف الاخت اللي قدام
رحت للاخت وقلت لها كذا وكذا وكذا
المهم ..
قالت انا مرسلتها روح شوفها فوق من الباب الخلفي << المكان اللي جيته اول مره
رجعت ورحت نفس الموظفه وقلت لها يقولون مخلصينها ومرسلينا لكم
شافت السجلات ورجعت لي وقالت
يبه روح ل
شريفة الـ ... وقولها ..
نوير تقول ما وصلنا شيء
خليها تعطيك رقمها
رجعت تحت للسرداب
قلت وين
شريفه الـ ..
قالت نعم اخوي
قلت
نوير تقولك عطيني رقمها
قالت انا قلت لك مالك اسم عندنا روح لمركز المعلومات
رحت للشايب المصري اللي يقول انا مخلصها من زمان ..
قلت له رجعوني عندك مره ثانيه .. ياليت تشوف لي الموضوع ..ودي اخلص
قال / طيب روح للاخت اللي قدام وقولها تعطيك رقمها << نفس الكلام اللي قبل شوي
المهم .. رحت للاخت قالت انتا ما خلصت
قلت وين اخلص وانا بين
نوير وشريفه
يقووولن نبي رقمها
قالت لحظه شوي لازم تمشي بالتسلسل علشان تضبط امورك
فتحت السجل وسجلت بورقه خارجة تاريخ المعاملة واسم ابوي
قالت روح
لشريفه وعطها الورقه
لا
مو
شريفه
قالت روح
لحصه <<
حصه هذي اللي ناداها الضابط ههههههههههههه
رحت
لشريفه قلت وين
حصه ؟ قالت ليش .. قلت الاخت تقول انا مرسله الورقه لحصه بالتاريخ هذا
اخذت الورقه وقالت استريح
وفيه مكانين للجلوس ( المفروض مكان للرجال ومكان لحريم ) الا وحده جالسه هنا ووحده جالسه هناك ما قدرت اجلس فصرت واقف وانتظر
رجعت
شريفه وقالت / شوف يبه الورقه هذي ارسلناها فوق بتاريخ هذا
اخذ الورقه هذي وروح
لنوير <<< ياليل نوووير
رحت لنوير .. الا زحمه جيت ابي اعطي الورقه للنوير الا زملتها تمد يدها تبي تآخذ مني الورقه .. قلت لا الورقه لنوير قالت بكيفك وسكتت
عطيت الورقه لنوير .. والنوير ..عطت الورقه لخويتها هذي
فصارت خويتها تطالع فيني وتتبسم .. معناها ليش ما عطيتني الورقه من اول
<<< عاد هذا انحرج وضاع وجهه خخخخخخخ
قالت استريح
استرحت شوي
نادتني ثم قالت
للاسف اخوي
.
.
ورقة ابوك للحين ما خلصت ( عند الطباعه .. ) تجينا يوم الاثنين
وسلامتكم
المواضيع المتشابهه
[/align]
العرض العادي
