السلام عليكم ورحمه الله وبركاته
مساكم الله بالخير جميعا
عسى أن تكونوا في تمام الصحه والعافيه دوما
لا أجيد المقدمات
قرات هذه الابيات للاخ والصديق عبدالله بن علوش
وحبيت أن أجاريها ببعض الابيات التى أتمنى أن ترتقي لابياته
عبدالله بن علوش ..
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما عاد يرضيني وفى ولا يزعلني جفى=متساوي في خاطري ظلم العرب وأنصافها
ولا تاقف الدنيا على شمع الغرام اللي طفى=بعض الشموع أنا أتعمد كسرها وأتلافها
تعبت أدور فالقلوب البارده ليله دفى=والقى أستغلال النفوس وكذبها وأجحافها
حتى أقرب العالم لو يوقف معك وقفه وفى=أصبر وتدري وش دوافع وقفته وأهدافها[/poem]
جولان ..
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
راس المكارم والكرم مد الكريم ليا عفى=حسن التعامل منفعه وأحلى القلوب نظافها
أعذر خويك وأنسها والخافيه تبقى خفى=الاوله والثانيه والثالثه وخلافها
منته بلاقي بالبشر مثل الرسول المصطفى=رسالتك يا مسندي حتى خويك خافها
نغمه رساله وارده والجفن توه ما غفى=ألا الردى ما نقبله سلم العرب وأعرافها
ما عندنا لك يا وسيع المعرفه كود الوفا=وأهل الوفا ما تعرف الا لا حضر ميقافها
أهم شي أقبل وجهك لا تقابلني قفا=حتى ذياب القاف تعوي على مشرافها
والرجل يبقى رجل في برد الليالي والدفا=ماهوب عنز في الغداري حافها من حافها
وأن كان خاواني ردي الساس شبحي ما هفا=المجد مطلوبي ولا أرضى في الحلول أنصافها[/poem]
المواضيع المتشابهه
عبدالله بن علوش
العرض العادي
