يا قسوة الدمعة على خد رجّال

[نفاع العنزي]

مساكم وصباحكم خير



.









[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

إذا خسرت المال ..لا تتعب الحال = تضيق يوم .. ويوم تلقى رحابه

الموت لا صارت مخاسيرك رجال=ورجال من ساسك .. بدم وقرابة

أخلاقهم ماتت .. وهم عاشوا أزوال = ويا شين زولٍ ما يعيش المهابه

هنا تمنى لو مخاسيرك أموال= هنا يضيق الكون ..حزن وكآبة

هنا يخيب بدنيتك حلم .. وآمال= هنا جروحك .. مع بعضها تشابه

يا قسوة الدمعة على خد رجال=فيها تحس الموت زاد اقترابه

فيها تحس إن الزمن جاك .. يختال = يسوق لك خيله وطعنة حرابه

يسوق لك جوره على صوت موال = يقلب لك الدنيا دمار وخرابة

هنا ..أنا واقف على شرفة الجال = هنا..صدى صوتي وأحس بعذابه

هنا .. وقفت أستعرض قصار وطوال = هنا أترجمها بشعر وكتابة

في ذمتي ما كنت في يوم محتال=ولا مشيت بدرب غيري مشابه

ولا شقى قلبي عنا قلة المال = نسيت همه يوم غيري شقابه

يزول هم وهم باقي ولا زال = همٍ سطا في خافقي وإلتجابه

همي حياة أخلاقهم والزمن طال =والوقت ياخذهم بصمت ورتابة

تباعدت خطواتهم عني أميال = بالعمد جوها ليه ؟ يا للغرابة

حزني عليهم بدّل أحوالي أحوال = وخوفي عليهم ما حديهم درابه

جالس حزين وعلقم الهجر قتّال = وزوّد على حزني ونين الربابة

( ولو تاقف الدنيا على موت رجّال ) = كان وقفت عصر النبي والصحابة

[/poem]







.

[طليفيح]

[align=center]

اقتباس الموت لا صارت مخاسيـرك رجـال ورجال من ساسك .. بـدم وقرابـة أخلاقهم ماتت .. وهم عاشوا أزوال ويا شين زولٍ ما يعيـش المهابـه

صح لسانك يانفاع

والله يعطيك العافيه على القصيده الطيبه

تسلم يمينك يابعدي[/align]

[goree]

oOo
شاعرنا
نفاع العنزي
::
صح لسانك
وسلم شآنك
من أجمل ماقرأت بهذا الصبآح
::
تسلم يمين على الطيب ربتك
أسعد الله قلبك
ونفع الله بك الإسلام والمسلمين
Oo[mark=666666]جــوري[/mark]oO

[فارس البجيدي]

[align=center]أخوي نفاع


أبدعت أبدعت أبدعت


وصدقت وصح لسانك ملايين

التحية لك عزيزي[/align]

[عقيلي المجلاد]

الشاعر نفاع العنزي
ماهذا الابداع لله درك ودر هذه الحروف الاصيله والسمينه المتخمه بالابداع
قصيده فيها من الجزاله مايكفي اننا نصفق لك وبحراره على هالنص العذب
قراتها اكثر من مره هناك ابيات تجذبني داخل اعماقها التي تحتوي على كل جميل وأخاذ وجزل
نص مليء بالمعاني الساميه والفاهره برقيّها قصيده تحتوي على الحكم والامثال التي تعج بحبكة الشعر النبطي الاصيل
تقبل مروري امام هذه الباسقه في سماء الادب ومن دون مجامله انا اعجبني هالنص حد الارتواء واشبعني شعر وسد جوعي
لك مني اجمل تحيه وتقدير وسجل متابعتي

[فرحان الفدعاني]

الشاعرالقدير


والكبير قدرآ وشعرآ


نفاع العنزي


صح الله لسانك


على هذا القصيده الجزله والشامخه


قصيده تفوق الوصف بروعتها يابو عبدالله


دمت ودام هذا الأبداع ياعزيزي


لك الود والتقدير

[نـواف الشمــري]

نفاع العنزي




















صح الله لسانك ولا هنت







شاعر جزل واستاذ







تقبل مروري المتواضع






فمان الكريم

[بنت حايل]

يا قسوة الدمعة علـى خـد رجـال
فيهـا تحـس المـوت زاد اقترابـه

^
^
^

أنا اشهد ..!

نــفـــآع ..

ماشاء الله عليك ..

صح لسانك يالغلا ..

قصيده رووووعه ..

ربي لا يحرمنا هالابداع ..

[ابتسـ ألم ـامة]

هلا وغلا




رائعة يا نفاع



صح لسانك مليووووووووون



سلمت يمناك



دمتم بحفظ الباري

وعلى الخير بإذن الله نلتقي


كلمــات مـن ذهـب
قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((أَكْثِرُوا ذِكْرَ هَاذِمِ اللَّذَّاتِ يَعْنِي الْمَوْتَ)) .
إنّه أمرٌ نبويٌّ ، أكثروا ذكر هاذم اللذات ، مفرق الأحباب ، مشتت الجماعات .
عش ما شئت فإنك ميت .
وأحبب ما شئت فإنك مفارقه .
واعمل ما شئت فإنك مجزي به .

[أبو رائد]

قصيدة رائعة ومميز يا بوعبدالله

ولا هو غريب عليك الإبدااااع


صح لسانك .. على هذه الرائعة