يحق لـي أحـزن بترتيـل الاحـزان‎

طليفيح · 11-09-2009, 07:13 AM

السلام عليكم ورحمة الله وبركاته

يحق لـي أحـزن بترتيـلا لاحـزان

..................دام القوافـي حزنـي اللـي نثـرهّـا

من عالم ٍ يسلـب سعـاداتالانسـان

..................وناس ٍ تجافينـا .. نعيـش بكدرهـا

من دنيتن ٍ كلـه غرابيـل وأشجـان

..................وآآآآآيام خانه ليلهـا مـع قمرهـا !

وسيوف ماتظرب على الحق منشان

..................بعض النفـوس الظالمـه ماتخسرهـا

كم من جريح ٍ يخفي الجـرح مابـان

..................والوقـت بيّـن علـتـه ماستـرهـا

وكم من رفيعٍ عايـش الهـم كتمـان

..................حتى الزمان أفشى الهمـوم وقهرهـا

يعني حقايق حاضر الفـرح بهتـان؟

..................نخفي ورى البسمه طعون أشكبّرهـا

اوقات نطـرب لسعـاده والاالحـان

..................وحنا ضمايرنا الهجـوس تعصرهـا

ماف المحبه غير ( غادر ( وخسـران

..................ومافي الغرام الاجروووح أشكثّرهـا

ماهو ظروري نتبع أنسـان خـوان !

..................والعيـن تهـدي للعبايـر نهـرهـا

وماهو ظروري نجرح القلب منشان

..................نحيي شعـورٍ تنطعـن فـي نحرهـا

وماهو ظروري نعطي بغيرحسبـان

..................مـن مايحسّـب لليالـي / سهرهـا؟

وكان المشاعر ماتجي كـلالاحيـان

..................طوع الظنون الّي خفوقك زجرهـا !

"أظرب على الكايد اليا صرت بحلان "

..................واسمع صدى صوت الضميربدررها

من مد كفه " للولي " شـاف برهـان

..................ومن كـف كفـه ذاق لوعـةقدرهـا

ياذا الغرام اللي عطـا الغـدربجنـان

..................وأهل الشعـور الصادقـه ماعذرهـا

قل للجراح اللي سقت روح ضميـان

..................وادمت ضما نفسك وجابـت خبرهـا

ونارن كوت في داخلك الف شريـان

..................حتى تطاير مـن عيونـك شررهـا

انا هنا .. مـا أقبـل أنـذل وأنهـان

..................آطى على حلك الظـروف وعسرهـا

ماهوب انا اللي لخاطر فلان وفـلان

..................اتـرك حياتـي للبشـرتختبـرهـا

أنا الوفاءفـي داخلـي نحـت فنـان

..................على جبال ٍ كبـر "سلمـى " حجرهـا

ولو دارت الدنيا على مـرالازمـان

..................تبقى المشاعر صادقـه فـي نحرهـا

وأبقى أنـا وطويـق النجـم جيـران

..................اكتب حروفـي .. والبشـرتعتبرهـا

عزيزة نفس · 11-09-2009, 07:22 AM

قصيدة رووووووووووووووووعه

وربي احترت ايش أقتبس منها

... تسلم يمينك ..

وربي يعطيك العافية

لاحرمنا جديدك ..

فاعلة خير · 11-09-2009, 07:25 AM

ماف المحبه غير ( غادر ( وخسـران.. ومافي الغرام الاجروووح أشكثّرهـا
صح لسانك وصح بدنك
قصيدة رااااائعة جدا وابيات جميلة كويسة حيل
وانا رايي واضح في الحب
ياولدي الحب راح لالالا مات مع ليلى وقيس وعبلة وعنتر وبقية الجماعة الأولين لأنهم كانو صادقين بحبهم وهم لهم هدف ومحبوبة واحدة بس
في الزمان هذا تلاقي الواحد يكلم مائة حرمة ويقولهم نفس الكلام بحبكم واموت فيكم وماانام الليل إلا لمن اسمع صوتكم وهو كذاب خوان غدار
عموما
الرسالة وصلت
ومشكوووووررررين

سـَمآ ♪ · 11-09-2009, 07:43 AM

صح لسآن شآعرها..

تسلم يمنآك ع الانتقآء الرآقي..

رآئعه بـ/حق..

oz bezarius · 11-09-2009, 07:17 PM

قصيدة رائعة جدا وابيات جميلة

فتى الرائدية · 13-09-2009, 07:36 PM

[align=center]

بجد ابيااااات راااائعه

تسلم
[/align]

سمو كبريآء * · 13-09-2009, 11:12 PM

رووووووعة ...

مششكوور ,, وبإنتظآآر جديدك ,,

موووج · 05-10-2009, 03:32 AM

"أظرب على الكايد اليا صرت بحلان "

..................واسمع صدى صوت الضميربدررها

من مد كفه " للولي " شـاف برهـان

..................ومن كـف كفـه ذاق لوعـةقدرهـا

أعجبتني القصيده أختيار موفق

وداعاً يارائع !!

موووج · 05-10-2009, 03:53 AM

[glint]

ماهوب انا اللي لخاطر فلان وفـلان

..................اتـرك حياتـي للبشـرتختبـرهـا

[/glint]

رجه بس رزهـ · 05-10-2009, 04:02 AM

ررررررررررررررررررررررررووووووووووووووووووووووووعع ععععععععععععععععععععععععههههههههههههه