الخدم ما وراهم الا المصايب
انا شخصيا أكره الخدم وضد ان الرجال يجيب خادمه لبيته الا لظروف
خاصه يعني الزوجه موظفه,مريظه,كبيره شوي بالعمر أوكي جيب
شغاله ولكن للأسف في بعض البيوت من يجي للحرمه ولد أو أثنين
قامت تصايح وتحن على زوجها تبغى شغاله,,
المهم أنا بختصر لكم تجربتي مع الخدم,,كانت أم العيال في ظرف خاص وحنت على
مخي الا تبي شغاله ,, وأم العيال الصراحه كانت قايمه بالبيت وفيني
على الوجه المطلوب,, المهم أنا قلت لها بجيب شغاله ولكن فقط حق
كوي الملابس والغسيل وشغل البيت لا تمد أيدينها على طبخ أو توكل
عيال ولا تغسل عيال يعني شغل البيت للشغاله والعيال والطبخ والنفخ لك
قالت تم,, المهم وصلت المحروسه من العين من أندونيسيا وفي البدايه
الأمور زينه صدق أنها تتهاوش مع أم العيال كلام مو طق بس كم يوم
يتراضون,, المهم زبدة الموضوع بعد تقريبا ثلاث شهور صارت الشغاله
ياجماعه تسوي كل شي في البيت والله حتى الطبخ وتوكل العيال
يعني كل شي والمعزبه صايره مدير المهم قلت أنا في نقسي
مردها تسافر وأنسى أجيب شغاله مره ثانيه,,المهم المحروسه سافرت
وألحين أكثر من خمس شهور بدون شغاله وياربي لك الحمد الأمور ماشيه
ميه ميه وأنسى أجيب شغاله,,,
ياجماعه حنا أكثر حريمنا فيهن عيب شرعي اذا جابت شغاله ما تبي
تسوي شي بس نوم وحلسه ومساير,,والله أعرف بعض البيوت الشغاله
تنام مع الأولاد الصغار في غرفه لوحدهم مع الشغاله,,,
أنا أقول أن الحرمه لازم تشتغل في البيت, الرجال يشتغل ويتعب
ويجيب الفلوس والحرمه كذالك يجب أن تشتغل وتتعب وتهتم بالمنزل
والأولاد..
الله يوفق الجميع وفي الختام مسك الختام حديث الرسول صلى الله عليه
وسلم عندما قالت لهه أبنته فاطمه أجعل لنا خادما قال لها أذا أويتم الى
الفراش سبحا الله ثلاث وثلاثين وأحمدا الله ثلاث وثلاثين وكبرا الله أربع
وثلاثين خير لكما من خادم ,,,,
والسلام عليكم ورحمة الله وبركاته
المواضيع المتشابهه
العرض العادي
