{ .... آهـ مآأرق الريآض تآلي الليل ..{ روآئع البدر } (( موضوع مميز ))

[goree]

كل ماقفيت

كل ما اقفيت ناداني تعال ,,, وكل ما اقبلت عزم بالرحيل

وكل ما اجنبت واعدني شمال ,,, يا اهل الحب ضيعت الدليل

الحقيقه غدت مثل الخيال ,,, هو عدوي وهو اغلى خليل

شفت انا الظلم من بعض الدلال ,,, يجرح القلب لو كانه جميل

اشهد ان الهوى مابه عدال ,,, هو خلي وانا قلبي عليل

وكل ما قلت له يابن الحلال ,,, المحبه عطى وانت بخيل

التفت لي وهو عجل وقال ,,, لذة الحب في الشي القليل

كلمات / الأمير الشاعر بدر بن عبدالمحسن

[goree]

أغلي حياتي من ثواني بها
ألقـاك..!
لولاك: ما تسوى حياتي كدرها..!


ودنيا خلت من صافي الود


ويـاك..!

يا عل تكسف شمسها مع

قمرها..!

[goree]

يسعد صباحك .. ليلنا تو ماجا
الشمس غابت واشرقت عندكم ... شمس
هى شمسنا اللي في جبينك تلاجا
والا قمرنا اللي فقدناه من امس
لليل السما برد وسحاب وعجاجا
يامن يشب النور .. في الخاطر العمس
انتى وانا لو كنا نتناجــا
لاماطفت في خاطري .. شمعه الهمس
يالى جرحتك ... مالجرحي علاجا
ادري الجروح النازفه تكره .. اللمس
بقول احبك .. وان عقدتى الحجاجا
!!اقولها ثنتين واربع مع خمس ..؟
ويسعد صباحك يابعد كل ماجا
ماراح من عمري .. وانا في رجا الشمس

[goree]

.. صعب السؤال .. ليه نفترق .. ؟
.. صعب السؤال .. وين نلتقي ..؟
.... انت الجنوب ..... وانا الشمال ....
وما بيننا ... بحر ...... ورمال ..

لكن [ نحب ] .. والله .. [ نحب ] .. وفوق الخيـــــــــــــــــــال ..
.. صعب السؤال ..!!

[goree]

نستآهل الحب ،
وَ نستكثر العطا ..
مآهو صحيح / ولا عدل
~ لا تزعلي ،
هذا العتاب المُر لي ..

إنتي الصواب وَ أنا الخطا

!

راجع من الايام .. من الاحلام ..
ومن الف سناره .. مغروسة بقلبي ..
لقيت لي بشارة .. ما اغلى عطا ربي ..
أثر العمر ساره .. وموج البحر ساره ..
وكل المدى ساره ..

سافرت كل العمر .. وراجع احب سارة ..

[goree]

علـى الـوسـاده شـرايـد نــوم
ومـن ماتـرك خـلـي الجـافـي
لـعـل تـالــي سـهــرك الـيــوم
ياعيـن واللـي مـضـى كـافـي
هجـرت هـم وطـويـت سـقـوم
ودخـلـت فالـمـخـدع الـدافــي
وساعة غفى جفني المحروم
ورميـت حملـي علـى اكتافـي
حلـمـت بالـلـي هــواه حـلـوم
يصـب جـمـر عـلـى اطـرافـي
وانـا احـتـرق يالله المقـسـوم
واطــفــي الــنـــار بـلـحـافــي
يـازيــن للعاشـقـيـن ســلــوم
وغـاديـك تحـكـم بالانـصـافـي
هــو ينـعـدل لاشـقـى مظـلـوم

[goree]

لاتنام وفي السماء باقي نجوم
يا جريح البارحه
كيف طبت اليوم..؟
سيدي .. يا سيدي قم
سيدي ...الليل للعاشق نهار
قم معي ... نجمع نجوم الظلام
سيدي ... لو عرفت الانتظار
ما غفا لك جفن .. .يــآ عذب الكلام
اهـ لو تدري الهوى والسهر مقسوم
يا جريح البارحه
كيف طبت اليوم..؟
سيدي .. يا سيدي قم

[goree]

قال السراب وقلت ظامي سرابه
قال الهلاك وقلت لعيون الاحباب

يا لايمي في حب مترف شبابه
الموت حق ولاتبرق في الاسباب

كانة ذبحني صاحبي من عذابه
مابي لدمي يا أهل اللوم طلاب

الجادل اللي فية زين ومهابه
تاقف له قلوب وتخضع له أرقاب

في حجر عينة لي غدير وسحابه
وفي وسط قلبي له تناهيت وعتاب

إن قلت أحبه يكفي القلب مابه
وان قلت أنا مابية..باصير كذاب

[goree]

ماقوى أخونك .. ماش!
انا قلبي عصفورك وباقي الصدر .[..أعشاش..]..!

[goree]

لو تعبتي من السفر
... وهمسي و أشواقي !
أو [ شكيتي ] من الضجر
... وناوية فراقي !
قصي وجهي من الصور
... و اتركي الباقي .!

أنا .. في كل السحاب
والمدى الصافي البعيد

طفل يلعب في السراب
تالي في الصورة وحيد

أنا من كل الشجر
.. ذبلت أوراقي
قصي وجهي من الصور
.. وإتركي الباقي .. !

,