أتلا عهدها مقبرتها ░▒▓█

[عبدالهادي آل كحله]

ياوقت انا قبل السنه ذي فلا أحترت
.. .. .. .. .. .. من حالة(ن)للنفس يوم اعترتها

خلتني اعيد الحساب وتفكرت
.. .. .. .. .. .. في ذالحياة اللي تقل أثمرتها

وقت(ن) يروع وفيه مهما تبصرت
.. .. .. .. .. .. دنيا يباري ضحكها زمجرتها

وانا لو اني في شعوري تضجرت
.. .. .. .. .. .. من عالم حتـى الصداقـه فرتهـا

أعهودها باالمصلحه سرت او طرت
.. .. .. .. .. .. حتى الامانـه بالرخيـص أجَرتهـا

مع الخدوع اتشوع مهما تذمـرت
.. .. .. .. .. .. والصايبه والطيبه نافرتها

تبني لها توصيل بالزيف والخـرت
.. .. .. .. .. .. وأكسـور لتضليـل كـم وسرتهـا

وانا بتاج الصمت صٌمت وتوقرت
.. .. .. .. .. .. ولا شفة وحده من جميع اعشرتها

العب على صعب المواقف لوأ بكرت
.. .. .. .. .. .. ماهمني حرص النفوس ومرتها

أن بارو اصحاب الرخي مابعد برت
.. .. .. .. .. .. أهل الفعول الطيبه ماأخرتـهـا

عزاي ياخطه لو أنك تعذرت
.. .. .. .. .. .. ما كان شوكة همنا بزهرتها

عطيتهـا ملقـا العلابـي ودبـرت
.. .. .. .. .. .. إن باعـت الرفقـات والا شرتهـا

بس الأكيد ان المحبه يوم أبحرت
.. .. .. .. .. .. في النفس يوم انها معي ذاخرتها

هذي فروض ومعدن الذات من صرت
.. .. .. .. .. .. على البسيطه او معا معشرتها

ومن سوق عقال المعرفـه تميـرت
.. .. .. .. .. .. اللـي تمـد الطيبـه مـا أفرتهـا

أقول ياقلبي يوم انك تيسرت
.. .. .. .. .. .. أرق العلا دامك تشوف اسفرتها

وحاول تسيـر بسهلهـا وإن توعـرت
.. .. .. .. .. .. ترى الاوادم ما تشـوف اعورتهـا

انفوس يبقى ذكرك ابها لو أقبرت
.. .. .. .. .. .. وانفوس اتلا عهد ها مقبرتها

[جوهر الراوي]

الشاعر عبدالهادي المري
لله درك


صح لسانك وسلم بنانك
قصيدة في منتهى الروعه
:

كل الود والورد لك

[لذة ح ـــــــب]

\

/
عبد الهـــــاد المري ,,,,,,

صح لسانك ,,قصيدة في قمة الروعه

يعطيك العافيه ع هالرائعه

تقبل مروري مع باقة ورودي

لذة ح ــــــب

[ماجد منيف]

عز الله نهايتها مقبرتها
نسأل الله السلامه

بس ياليت بعض الناس تفعل ماتقوله
لكن تالي الوقت
ماعندهم غير الكذب
والهياط

نسأل الله السلامه

صح لسانك يالمري

وافيه وطرق صعب وقوي


دمت

[وليفي هجرني]

تسلم يمينك وصح لسانك
تحياتي
وليفي هجرني...:::
وشكرا!!!!!!!!!!!!!1!!!!!!!!!!!!

[صعبة المنال]

قصيدة رائعه
لاعُدمناك

[أبـ( فيصل )ـو]

انفوس يبقى ذكرك ابها لو أقبرت
.. .. .. .. .. .. وانفوس اتلا عهد ها مقبرتها


صح لسانك .. قصيدة رائعة .. من شاعر مبدع

[ربـيع أنثى]

صح لسانك ..

قصيدة رااائعه ..

[عبدالهادي آل كحله]

جوهر

صح ابدنك ولاهنت على هاالمرور


تقديري

[عبدالهادي آل كحله]

اقتباس المشاركة الأصلية كتبت بواسطة لذة ح ـــــــب \ / عبد الهـــــاد المري ,,,,,, صح لسانك ,,قصيدة في قمة الروعه يعطيك العافيه ع هالرائعه تقبل مروري مع باقة ورودي لذة ح ــــــب

لذة حب

لشذا عطر الحروف منك مرور
صح ابدنك وقلبك الرقي مرورك


كل الاحترام