بسم الله الرحمن الرحيم
السلام عليكم ورحمة الله وبركاته
.. [ نبــــض‘ً القــــلب ] ..
أهلين يالوجه الصبـوح اللي ملا كل الجهـــات
واستبشرت في طلتــه روحي وعافت ضيقها
يانبض قلب يعشقك يا جامع كل الصفـــــات
يا اللحظة اللي طول عمري انتظر تحقيقهـــا
يافرحتي يامنيتي يا اجمل تباشير وسمــــات
يادرة كل الحلا مصبـــوب في تنسيقهـــــــــا
تعال عيش بخافقي عوضني ايام الشتــــات
وارسم مــلامح فرحتــك وأقدم على توثيقهــا
تعال نقضي وقتنا نشوه وتحقيق امنيـــات
وكل المساعي اللي تودي للفراق نعيقهـــا
نكتب مشاعر نبضنا اثنين في هذي الحيـــاة
روح المحبه بينهم يطرب نغم تشويقهـــــا
ونعانق اطياف الهوى على طريقة خذ وهـــات
نسقي غصون أشواقنـا ونزيد في توريقهـــــا
يازين نفهات الغلا ساعــة تجي من طيب ذات
ويازين لمسات الغرام العذب في تطبيقهــــا
بين اليدين الحالمـة بين القلوب المرهفـــــات
اللي جسور الحب نظرتها على تعتيقهــــــــا
ياصاحبي كلي أنا فدا العيون الناعســــــــات
اللي استلذ بطهرهـــا واحرص على تصديقهــا
من وين مـا أرحل بالنظــر القاك في كل الجهــات
يعني بدونك دنيتي ماطيقهـــا ماطيقهـــا
...
للشـــاعر : عبدالله الطفيلي ..
...
[ نقلتــــه : من جريدة الريــــاض ]
المواضيع المتشابهه
العرض الشجري