قالهـا شـامـخ علـى الله ياعنيــــدات اللـيــــال
ماحوى مقبــل سنينـي يجبـــر الجـرح الدفيـن
لا تـلاشـت لـي مصيبـة حملهـا هــد الجبـال
تبتـدي ثانـي مصيبـة قـــوّ الأولـى مرتيــن
العمــر رحلـة تجـارب والوفـاء كلـه خيـال
والزمــن لـو طـال فينـي مابقـى شـيء ٍ ثميـن
المساء هـذا كئيـب .. وذكرياتـي بـه طـوال
والثوانـي والدقــايـق بالخـطـى متثـاقلـيـن
والسماء ضمـّت قمرهــا مع بـزوغ اول هـلال
(( شهر سبعـه)) والدمــوع الغاليـة بالوجنتيـن
الفتــاة اللـي سكنهـا العيـن واجفونـي ظـــلال
اعزفوا ليـلة كفنهـا نغمـة الصـوت الشجيــن
والله انــه مـا نفعهـا لـو تصـــل حـد الهبـال
والله انـه مـا منعنـى غيـر رب العالمـيـــن
قـدر الله .. وانكتـب عنـوان هـذا الـحـــب زال
والقـدر لا حـل حكمـه .. كلنـا لـه مذعنيــن
كنت شاري حبهــا .. فيـه الدلـع .. فيـه الـدلال
لكن انـه ينتهي حـب انعمـر طـول السنيـن..!؟
هذا والله .. هو سبـب خوفي .. وجرحي .. والهوال
هذا والله .. هو سبــب دمعي..وحزنـي والونيــن
هذا والله .. هو سبب ما حدنـي فـوق احتمـال
يوم شفت الموت .. وانتي يا حياتي ترحليـن ..!
ان رحلتي .. ليش بأبقى ..والقمر شوفه محال..!؟
وان بقيتي .. ليش بأرحل .. والقمر تـوه مبيـن؟؟
وان سألتـي ليش بأرحل ؟؟ قـلت لك هــذا المقـال
((الرحيل اسهل طريق ٍ ..لأجل ماتبقى سجيـن))
وأن سألتـي ليـش تتركنـي بساحـات القتـال
قلت لـكـ ما تّـل قلبـي ..غيـر نـاس ٍ خاينيـن
الخطا غامض .. ولكن .. تسمحي لي بالسؤال
هل رضيتي يوم قالوا .. ( هل بغيري تقبلين)
كانك انتي راضيه .. ما عـاد باقـي لـي نضـال
لأرتحـل عبر الصحاري .. وانتهـي وابقـى حزيـن
لأرتحل عن دار حايل .. واهجـر ادروب الشمـال
لو بها نـاس ٍ عزيـزة .. فـي غـلاهـم واصليـن
لأرتحل فـوق الخيـال .. ولأندثـر تحـت الرمـال
ولأنتهي عن كـل سكـة .. فـي دروب العاشقيـن
وكانك انتـي رافضتهـم .. واجبـروك بالحـلال
واصدروا عقد النكاح .. ولا سألوا (هل ترفضين) !؟
الله اللـي راد يـا عيونـي .. ولا فيـهـا جــدال
واسحبي ذيل الهزيمـة .. وافعلـي مـا تؤمريـن
مادريت الا كـــروت افــراح ..تدعــونـي تعال
حفلها ليــل الثلاثاء ..والخبــر صبــح الثنيــن
لا ولايمــدي .. ولايمكـــن .. لتحقيـــق الفصـال
دام باقي ليـل واحد .. يا عيوني وش تبيــن ؟؟؟
أومريني عبــد طــايـع .. قيـده وقتـه غـلال
واقتليني وسط داركــ .. واشربي دمـي الل؟يـن
دامني عن ديـرتي يـا بنـت قطّــعـــت الحبـال
كيف ابـدري للفرح يا بنـت وانتي تعرفيـن ؟؟
اعذريني .. مادريـت الا بكسـوفـك والـزوال
اعذريني .. ماجـداي الا صـدى صـوت الأنيــن
اعذريني .. لو رحلـت وغــادرت سُفـن الوصال
اعذريني .. لو قطعـــت الوصل بالناس اجمعين
اعذريني لو نسيـت .. وقـلت لـكـ هـذا محـال
اعذريني كانك انتـي يـا حياتـي تعذريـن
اعذريني يا حياتـي .. كـل ماجالـك مجـال
اعذريني يا حياتي قـد ما انتي تقدريـن ...!؟
والا انا يا عزتــي لي .. حالتي ماهـي بحـال
زيـن اكمل بعــد ليلـي يـا حيـاتـي ليلتيــن
كيف اصدق ما حصـل لي .. والله انـه كالخيال
كيف اكـذب والنواظـر .. والجوراح .. شاهديـن
اكتفيـت ارجـوك يا سْنينـي .. عذابـي لايـزال
يا عذابي .. وش بقى بي يا سنينـي تجرحيـن
من شبابي والحـزن .. في خـوته خوة رجـال
مايفارقني .. ودايم عن يسـار وعـن يميــن
لاغفيـت اشوفها بالعيـن .. تبكـي للأطـلال
ولا صحيـت .. اشوفها قـدام وجهـي باليديـن
انتبهت لدنيني .. والحزن مدري ليش طـال؟
واعتزيـت .. وقلـت يا الله عـن كـلام العـاذليـن
لو خذلـني في تعاملهـم .. ردييــن الرجـال
و الله اني ما اتهاون .. عن علوم الطيبيـن
أدري ان صـرت بغيـابـك.. وفــي ٌ لا يُـطـال
للوفـاء مضـرب مثـال ٌ فـي علـوم الطيبـيـن
اسمعي بآخـر قصيـدة .. بعدهـا قطـع الوصـال
بعدهـا .. مافيـه شـيءٍ يربـط لآخـر يقيـن ..!
الطمـوح اللـي بنينـا ينهـدم قبـل الــزوال
ينهـدم قبـل الغـروب .. ويندفـن حلـم الثنـيـن
ينهدم لأجل الشريعة ينهـدم لأجـل العـدال
ينهدم لأجل الأمانـي ينهـدم لأجـل السنيـن
ينهدم يأول حبيبـه ينهـدم يأغلـى غـزال
ينهدم ياأجمل عيون وينهدم يا أوفـى ضنيـن
ينهـدم .. لأن القلـوب أولـى بتحقيـق المـنـال
ينهـدم .. لأن التعــــازي مــا تــرد الميتـيـن
مابقـى غيـر الـوداع .. وكفـنـي حســن القبـال
وسامحينـي كـل لحظـة .. واسمعـي هالكلمتيـن
و الله انه ما مـلأ عينـي .. بعـد حسنـك جمـال
والله انـه مـا سكـن قلبـي بعـد رحتـي عويـن
بأوعدك .. يبقـى مكانـك والهـوى مـا اعطيه بـال
ولايحرك من شعوري بنت .. واحلـف لـك يميـن
أرحلـي والله معـك فــي غيبـتـك والارتـحـال
وارحلي ..لآخر مدى والـدرب ( ورد وياسميـن..!)
ارحلـي ..بالذكريـات وباقـي الـحـب الـمُـزال
وارحلي.. تكفين لا يردك على الشامـخ حنيـن
وارحلـي .. وتجاهلـي كـل الكـلام اللـي يقـال
لو سمعتي ( حـال شـامـخ ماتسـر الناظريـن ..!)
صدقينـي .. لـو تشوفينـي علـى جـرف ٍ هيـال
ما انتظرت .. الا وانا اعرف وش يكون المسلكين
صدقينـي .. ( مرحلـة بتـُمـر ) والصبـر ابتـذال
بأبتسـم رغـم الجـروح .. ولاعقـدت الحاجبيـن
صدقيني .. لا سمـح قلبـي .. بـأدور لـك بـدال
يا عسى قلبي يلين .. ويا عسـى ربـي يعيـن
.................
المواضيع المتشابهه
العرض الشجري