وقت القشر والبهاذيل

[عبدالرحمن الميزاني]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الله من قــلبٍ ليا قــرَب الليـــــــل = قامت هواجيسه بصدري تحوفه


وصارت همومه مقفيات ومقابيل = تقـــول تبني طوفـــةٍ فـوق طوفه



قـلبٍ مبهــــذلني بهــمـه بهـــاذيل = ومن كثرة الافكــار جتـني كلوفه



ماهــوب حب ام العيون المظاليل = ولاهــــوب هـم البعد والا ظروفه



ولاهمني بعض الحكي والاقاويل = ولانيب فاقـــد شي واريد اشـــوفه



ولاني بفاقــد ضحك والا تعــاليل = نفسي عن هروج المسولف عيوفه



ارفع مقامي عن هــروج المهابيل = وعلى المقــفــي ماتجيني حســوفه



ولاني محسـَب هرجة القال والقيل = حتى ولو الوقـــت كثرت صـدوفه



حنابــوقــت العــولمـــه والتهاويل = وحنــــــا بوقت المخطيه والعجوفه



وحنا بوقــت مــدورين المحاصيل = كلٍ يفـــكر كيـــف يجمـــــع ولوفـه



ولا جا اللزوم وحان شرب الفناجيل = كلٍ على ربعـــه يحـــدد سيـــــوفه



يقطعك ياوقــــت القــشر والغرابيل = بيحــت ســــد النـــاس وانتـه تشوفه



وفــيـــك الرجال الطيبين المشاكيل = ســاويتــهــم ياوقــتنا مع ضعــوفــه
[/poem]