السلام عليكم ورحمه الله وبركاته
اول مصافحه مع اخي العزيز فاقد خوي
واختنا الشاعره الجوهره السيّد ( الشمري )
اول عمل وان شاء الله ماهو العمل الاخير بيني واخوي فاقد
اليكم التصميم
كلمات : الجوهره السيّد
اداء : فاقد خوي
تصميم : صدر الشمالي
لحفظ الفيديو بصيغة الجوال بحجم مناسب
كلمات القصيده
بغيت اعدل ميلت الحـظ واخطيـت
عسرت حظـي بالعسـارة كسرتـه
ياما على رجوى الامانـي تسليـت
ماتت اماني حلمـي اللـي رسمتـه
اعطيت ثم اعطيت واجزلت وافنيت
لا واحسافه عمري اللـي خسرتـه
قلت الصبر ثم الصبر واثري ازريت
حـد ائتمانـي للجـلادة وصلـتـه
اعاند الحـظ الـردي ليـه ياليـت
فتحت له بـاب الامـل وانتظرتـه
ابنعش انفاس الرجى صاحبي ميـت
مالـي عـن المكتـوب بـد ونلتـه
ما ابي الغنى والمال والجاه والصيت
ابي احقـق حلمـي اللـي حلمتـه
لا يحرس البيبان حارس اذا جيـت
اشوف سكانـه ولـو مـا سكنتـه
اشوف من عن شوفت عيونه ابطيت
طفل" صغير" يحسب انـي هجرتـه
ارسلت له نوم الليالي وانا اجزيـت
ما غمضت عينـي وهمـي كتمتـه
المواضيع المتشابهه
لا يحرس البيبان حارس اذا جيت .. ( فيديو ).. اشوف سكانه ولو ما سكنته
العرض الشجري