صوت ماهر .. للشاعر / مطلق النومسي ...

[أبو فهاد]

الـغـيـب عـنــد الـــذي مــــن فــــوق كـرسـيــه
سـبـحـانـه الــلــي خــلــق وأبــــدع بتـكـويـنـي

الــــلــــي أمــــرنــــي بـتــوحـــيـــد الأولــوهـــيـــة
آلــــهـــــي الــــلـــــي يــمــوّتــنـــي ويـحــيــيــنــي

أخضع له الراس .. وأبكي .. وأرفع يديه
يالله بـرحـمــتــك يـــــوم الــعـــرض تـحـويـنــي

عـبـدك ضعـيـف .. وعظيـمـاتِِ معاصـيّـه
مـــا غـيــر رحـمـتـك يـــا رحــمــان تنـجـيـنـي

أدعـــــوك بـالــســر .. وأدعـــــوك بـعـلانــيــة
يـمـكـن يــأمّــن (ولــــي صــالــح) وتـهـديـنـي

ابلـيـس مـغـوي .. ونفـسـي جـــات مـغـويـة
ودنــيــاي يـــــا خــالـــقِِ دنــيـــاي تـغـريـنــي

كـم شلـت فـوق النعـش .. جـثّـة ومطـويـة
ودفــنــتــهــا والــــتــــراب يـــلـــطـــخ يـــديـــنـــي

وكــــبّــــرت وأول ســــــــؤال مــــــــرّ طــــاريــــه
مــــتــــى عــلـــيـــه يــصـــلـــون الـمـصـلــيــنــي

ولـيـا طـلــع صـبــح غـــد .. ومـالــت الـفـيـة
يــعــرض لــــي ابـلـيــس وأيــامـــي تـمـنّـيـنـي

حـالـة ضـيـاع وقـلـق ... وأشـيــاء مخـفـيـة
وترمينـي النـاس .. مــدري لـيـش ترميـنـي

مـــــع أن دايـــــم خــطـــا نــفــســي حــوالــيّــه
والــنـــاس مــالـــي وراهـــــا شـــــي يـعـنـيـنــي

أجــنــح مــــع الـسـلــم .. والـعـالــم عـدائـيــة
والله حـســيــبــي عـــلــــى قـــــــوم تـعــاديــنــي

مــاهـــو مـكـفـيّـهـم أنــــــي صــــــرت مـــاريـــة
للهم والـضــيــق ..والــلـــي بـيــنــي وبـيــنــي

بيّـه بـلا .. والبـلا .. مـا أعـرف وش بيّـه
ولا لـقـيـت الـــدواء .. والـبـحــث مضـنـيـنـي

والــلــي نــفــع بــــه دواه .. وعـلّــتــي زيـــــه
مــاهــو بـشــــرط الــــدواء نـفـســه يـداويـنــي

لأنّ الــعــلــل تــرتــبــط بـأســــــرار نـفـســيــة
نفسـي .. وأنــا أدرى بـهـا .. والله يعافيـنـي

تغـفـى عيـونـي ... وجنـبـي فـــوق جنـبـيـة
من كثر ما اعتدت ألمها .. ما تصحينـي

مـــرّت ثـلاثـيــن .. وجــروحــي كــمــا هــيّــه
وأنـــا نــفــذ كــــل صــبــري .. يــــا ثـلاثـيـنـي

مـجـنـون يـــا وقـــت .. وأفــكــاري جـنـونـيـة
أحـسـبــك تــبــري جـنــونــي وأنـــــت تـبـريـنــي

وأن زاد بَـريــك .. لـــي الله ثـــم مـــن لــيّــه
ألا أنـــت يـــا صـــوت راشـــد يــــوم تـاتـيـنـي

ترمي عـن الصـدر .. وأتنفـس .. بـحريـة
يـــا مـــن وجـــودك عـلــى الـدنـيــا مكـفـيـنـي

اخـوي ... وحـزام جنـبـي .. نــاري الحـيـة
جـنـاحــي الــلــي يـعـوّضـنـي .. جـنـاحـيـنـي

عـنــدي مـــن الـوقــت وظـروفــه حـسـاسـيّـة
وأشــري بـخـاتـم ذهـــب .. خـاتــم بلاتـيـنـي

مـــا طـحــت يـــا ابـــو فـهــد والـنـيــة الـنـيــة
لـــكـــن لـــيـــا طـــحـــت مــثــلــك مـايـخـلـيـنــي

عـســاك تـبـطـي .. يـــا أبـــو كـــف نـداويــة
وأنــــا عـسـانــي قــبـــل لا أرثــيـــك تـرثـيـنــي

فــــان مــــت قـبـلــك فــهــذي أكــبــر امـنــيّــة
وأن عـشـت بـعـدك تـبــي تـكـثـر سكاكـيـنـي

كلمـة علـى خاطـري .. مــن وقــت مكمـيّـة
ســرّيــتــهـــا والــــغـــــلا يــــمّـــــك مــســرّيــنـــي

مــــآر أطــلــب الله يـخـفــف عــنــي شــويـــه
الــهـــم يـــــا بــــــو فـــهـــد ولّــــــع شـرايـيــنــي

يــارب عـطـنـي رضـــاك .. وروح مـرضـيـة
وخـذنـي عـلـى بــاب بيـتـك بـآخــر سنيـنـي

علـى صـدى صـوت (ماهـر) وقـت فجـريـة
أرتــاح مــع صـــوت (مـاهــر) لـــو يبكّـيـنـي

ولــيــا ركــعــت .. وتـغـشّــى الــبــرد رجـلـيــه
أمهـلـنـي أسـجــد لـوجـهــك بـاكـيــة عـيـنــي




الشاعر : مطلق النومسي ..