بسم الله الرحمن الرحيم
الســلام عليكم ووورحمة من الله وبررركاته
صباح الخير يا اخوان ..
:
:
ندخل بالموضوع علطووول عن مباراة النصر امام الفيصلي ...!!
لعنبوا داركم ثالث سنه من من سنوات الورد للرئيس الامريكي ،,, والفيصلي مانقدر نفوز عليه والرائد يلعب معنا على باب واحد والاهلي يلعب فينا وثالث سنه مايقدر يجيب لاعب اسيوي ويبجح بأن السبب مافيه لاعب اسيوي متاح ....؟!؟
فريق معدوم لا انسجام لا نظيم لا شي ... لاهويه ولا شخصيه للفريق .؟
يا ناس اتركوا العاطفه شووووي وفكروا ب عقولكم شوي ...!!
بلاش تطبيل قسم بآلله بلاش تطبيل
في الجوله الثامنه راح يطرد المدرب هذا أذا ما أنطرد قبلها والسبب سوء النتائج
يجي مدرب جديد يشوف الحارثي والسهلاوي ولقحطاني والزيلعي مستوياتهم بالتدريبات ممتازه
يلعبون أساسيين لما يكتشف أنهم ما يخدمون النصر بأي شي يتفاجئ أنه أخطأ ومصيره الطرد
موآل كل سنه وكل فترة أنتقالات النصر يسير للخلف والسبب والعله معروفه لكن من يقدر يقولها ...؟؟؟؟
مستوى امس عار على فريق مثل النصر الفريق وصل لمرحلة أن من يرتدون شعاره لا يعرفون أساسيات كرة القدم التمرير خاطئ العرضيات خاطئه التمركز خاطئ النصر فريق عشوائي جدآ
الشوط الأول فقييير فنيآ من النصر ومن الفيصلي طيب السؤال ليه ما قدرنا نستغل سوء الخصم ونسجل أهداف حتى لو كنا سيئين هل من المعقول أكون سيئ ما أسجل وأكون جيد جدآ وما أسجل ..!!!!
فراغ كبييير بين الوسط والمهاجميين لدرجة أن ميرسير وفلاته المحاور هم صناع اللعب
وين تشافي النصر زيلعي وين المحترف السوبر ستار بينو (كابتشينو) حتى الهدف بمجهود من مالك
أفضل لاعب في المباراه مع البطل راضي صراحه مستوى النصر وأدائه السيئ في الثلاث مباريات مخجل
وما يليق بأسمه ولا بتاريخه ولا بجمهوره .. الأداره أحملها جزء كبير وياليت يملكون الشجاعه ويقدمون أستقاله جماعيه من عجز عن جلب أسيوي للنصر سيعجز عن سبل تحقيق البطولات لم أرى أفعآلآ لم أرى خططآ لم أرى روحآ ولن نرى بطولات بهكذا طريقه الوضع من سيئ لأسوء تبونا نجامل ونطبل تبونا نصبر وتبونا نعشق مستحيل نجمع هالأمور مع بعض نريد الصدق والشفافيه ليعود النصر نريد مصلحة الكيان نريد أن نفرح الجماهير ونريد ونريد ونريد النصر دوآمه من الأسئله
تبحث عن أجوبه الأجوبه لا توجد والسبب نحن في بداية موسم جديد نحن بمدرب جديد نحن بلاعبيين جدد لم ننسجم لم نجد سوبر ستار أعذار واهيه ومخجله أعرف حقيقه واحده الفشل نهايته الأستقاله ..!!
أحفظ ماء وجهك يا رئيس النصر ودعنا نحبك من أجل أعتزآل الأسطوره فقط ..
شكرآ لكل من طبل للأشخاص وترك الكيان فأنتم تجنون ما زرعتموه ..
هاردلك يا العشق امرنا لله مالنا الا الصبر ...!!
تقبلوا تحياتي .. فقدته ..!!
بررررب شاليه بس دشيت وكتبت من القهر والغبنة اللي فيني حسبي الله ونعم الووكيل
حسبي الله ونعم الوكيل ..
اشوفكم السبت ان شاء الله ويافرحة ماتمت يانصر ..!!
فمان الله ورعايته ..
:
:
المواضيع المتشابهه
الله قادر وقادر يصبر قلبي الصابر ...!!
العرض الشجري