تمتمات مع الذات

[حمــود الشمري]

((تمتمات مع الذات))

(!)
أما بعد :
ما كل من جد وجد
ولا كل من يزرع حصد
الزرع تاكله الطيور
والجاد تكميلة عدد ...
(2)
لليل وجه وللبعض عدّة وجيه ........... والقاسم اللي بينها كلها سود
(3)
من يغرّد برّا سربه
يا يكون إنّه مميّز ؟
أو سربه عاف قربه
(4)
ماني غشيم وجداً اعرف نفسي ......... والله يرحم من عرف قدر نفســــــه
احيان أضيّع ديمني من كلفسي ......... وأحيان أضيق وسبّة الضيق طفسة
(5)
لا أرى .. ولا آتكلّم ........ ولا أسمع .. ولا أبغى آتعلّم

......... يكفي أضيع سنين ....... أحاول أصعد دون سلّم
(6)
السذاجة تكون مشروعة
في حاجة !
لمّا تستغفل من أنثى
السذاجة لك مجازة ..
وعنّها إحذر تعذّر
العذر أم السماجة ...
(7)
عين تسقى بـ سبـ ..عين ،،،،،، وعين تسقى بما لـ عين،،،،،، وعين فيها الكون ظلّم،،،،،،،، رددت ال آه يـ عين
(8)
من يغرّد برّا سربه
كان تغريده نشاز
وخاف لحّد ينتحربه
(9)
فلسفة عبدالودود ،،،،، كيف ابدع فـ الحدود،،،،،

............ كان في معناه ساخر،،،،،،، وكانت الغاية وجود
(10)
من يغرّد برّه سربه
ودّي أعرف ليه غرّد ؟
يمكن ان هناك سر .. به
(11)
الخُلاصة :
بكل صراحة ..

كيف ألْقى منْه مهْرب ؟

قبل أشْرب .. مر كاسه

وقبل فاسه ..

تقطّع غصوني بشراسه ..

دام في جيبي رصاصة

باخذ من ايده سلاحه ..

قبل شمسي فيه تغرب ..

ودام انا اسمى من أساسه ..

ماعليْ وبه رب ..

صوته لي ماعاد يطرب ..

كل كلامه ..

فاقدٍ فيه احترامه ..

بكل حواسه .. من هُلامه ..

ومنهو لامه ؟

غير قلبي .. قبل ناسه ..

وللأسف عيّا يقول :

ياغبيّة الخلا .. صهْ ..

لْ خلاصه ..