يا ويلي منك .. ما شـاء الله عليـك .. ويـا عليـك إسلـوب !!

[أبو فهاد]

هبـوب النـود هبّـت والهـوى بيـن الضلـوع يـلـوب ..
وصكات الهـوى يـا أهـل الهـوى مـا هيـب تنطاقـي ..

و إلى فارت كناين صدري (إ)من الحر واللاهـوب ..
الاحيـهـا .. و أنـاحــر للـهـبـوووب تـهــب خـفّـاقـي ..

تذكِّـرنـي .. ولامـنّـي ذكـــرت الـحــب يالمـحـبـوب ..
ذكـرتـك يــا بـعـد كــل اصـدقـاي .. وكــل عشـاقـي ..

يا ويلي منك ما شـاء الله عليـك ويـا عليـك إسلـوب !.
يزعـزع سطـوة الساطـي .. ويخلـف هقـوة الهـاقـي ..

تراسلـنـي ... ولامـنّـي قـريــت الـخــط والمـكـتـوب..
تحـدّر دمعـي .. وجـرّح خـدودي وأحــرق أوراقــي ..

تذكـرت.. الكـلام الـلـي عـلـى راس اللـسـان يــذوب..
تـمــر الكـلـمـه ويـبـقـى صـداهــا داخـــل أعـمـاقــي..

بغيـت اسـلا واقفّـي عـن دروب اهـل الهـوى وآتــوب
وأكـفـر عــن ذنـوبــي وآتـلاحــق عـمــري الـبـاقـي..

لكنـك جيـت فـي دربـي .. ولحقـت الذنـوب ذنــوب ..
وأظـنـك بتـحـدانـي لـلـهـلاك ...وتـقـطـع ارزاقـــي ..

أشوف إنـك فريـد ... ولا لحقـك العيـب والعـذورب ..
سعـيـت لـكـل درب مــن دروب الـخـيـر سـبـاااقـي ..

عذولك لـو بغـى ! والله مـا يلقـى عليـك درووووب ..
اعرفـك .. والله انـك مـا تخـالـف فـيـك الأذواااقــي ..

تتبـعـتـك ولا حـصـلـت فـيــك الا ثـــلاث عــيــوب !.
تعامـلـك الرقـيـق ... ومسـتـواك وفـكــرك الـراقــي ..

تواصيفـك عجـب ! حسـن وأدب فتنـه وسحـر قـلـوب
خليـجـي مــن موالـيـد اصفـهـان ..و دمّــك عـراقـي ..

لـو إنـي بقـدرك والله لحطـك للحـلا منـدووووووب ..
عـشـان تـحـرّم الـلـي مدمـنـة ل ســواق الأسـواقــي ..

انا وشلون؟ والا كيف؟؟اروح بصوب وأنت بصوب
عـقــب مـــا حـــن رعـــادي عـلـيـك ولاح بـراقــي ..

انـا (فـي ذمتك)و(ادخـل عليك)..و(طالبـك مطلـوب)..
لا عـاد تجيـب لـي ذكـرى الفـراق وتـطـري فـراقـي..

عقـب ماجبـت لـي ذكـرى الفراق..وخاطـري منكـوب
تعكـر جــوّي ..وضـاقـت عـلـيّ ..وشـانـت أخـلاقـي..

مـع إنـي والله إنـي خابـر ٍ عقـب الشـروق غـروب ..
وهـــذي ســنــة الله سـنّـهــا فــــي كــــل الآفــاقــي ..

و كــلٍ يجتـهـد والـلـي يجـيـه مـقــدر .. ومـكـتـوب ..
عـلـيـه انـــه يـكـافـح .. ويـتـوقّــى / والله الــواقــي ..

ختام العلـم يـا أغلـى مـن عرفـت وصـار لـي محبـوب
تقـبّـل حـبـي..و وافــر سـلامـي وأصــدق اشـواقــي..






منقوووووووووووووووووووووول