تجف الارياق .. ياعذب القصيد الزلال
ومن حر الأيام مانلقى ( ملاذ ومقيل ) !
تسافر الناس عن واقعك لإقرب خيال
على آمل بأن باقي شيء اسمه جميل !
الواقع اصعب ، ( وانا يُحرم عليّ السؤال )
شف فرشتي من حصير وبسمتي من قليل
انا مابين التعب ، والجرح ، والاحتمال
قلت استخير وتخيّرت الطريق الطويل !
رميت حملي بوجه آلـ ( لا ) والانفعال
ووقفت صامد بوجه الوقت مالي سبيل
اخاف مني من احلامي من اللـ يزال
يأخذ ورى الشمس ويغرّب عيون الدليل
ياصاحب السيف ماللناس صوت ومجال
إلى متى وانت عن وجه الحقيقه( تميل )
تقدر تقصّ الرقاب وماتخاف الجدال
لكنّ ماتقدر تقص .. ( الكلام الثقيل ) !!
يارب انا انسان خذني من يدين الظلال
اعيش مكره .. ترى ماني مضل وذليل
آخوي الانسان الاطهر من صدوق الخيال
اللي رغم ( فقره وحزنه ) بقى لي نبيل !
احبّه اكثر من ( الحاجه ) على كل حال
وهو بعد حبنّي ( اكثر من المستحيل ) !
بعيش ادوّر ضميراً حي فينا ( وانال )
لو اني ادري بـ ان الحظ صلف وبخيل
شكراً على الحزن ياعذب القصيد الزلال
يكفيني انك لـ احلامي ( ملاذ ومقيل ) !
للمبدع/ محمد العارضي..
المواضيع المتشابهه
العرض الشجري