السلام عليكم
كيف الحال ؟!
هذي قصيده للشاعر تركي بن نومان الخالدي
اعجبتني وحبيت انزلها
راكب الي لاسهجته يعجبك تيكيته
...................وان نويته بالمواتر ماقدرت تفوته
فكس آر من الموديلات الجديده صيته
...................محتضابه تاجر الملحم بكثر فروته
كب عنك الفرت وانواعه كثر صرفيته
..............والجميحي والجبر والشركة الممقوته
غير مفرخة الزمان ان كان مابديته
.................ارفع ايدينك لربك واطلبه من قوته
فالمدينه والصحاري ماخذن حريته
...............كثرته تفرض غلاه وهيئته مسموته
ان نطحته يعجبك من مقدمه شكليته
................وان قفيته كنه حوتن يتبع له حوته
وان عرضلك عقب طرقه وقربت ماريته
...........كنه وضحى من خلاج حوارها منعوته
القليت آلي بطبلونه وسكبة سيته
...................سلسله لولوه ومرجانه وياقوته
لابغيت اشغله ليه اتجه ناحيته
...............يشتغل لامن بغيت بواسطه ريموته
اشهد ان الشوق سراني وانا سريته
..................للنعيريه تجاهه والهبوب تشوته
صوب دار المطلق الي محتزم جمبيته
...........ودي اخذ معه سجه وانسجم مع صوته
ذاك ابو فالح حمد لامن دعاني جيته
................اتشرف عند ذكره نفسي المبخوته
من مطانيخ الجحادر والضيوف ببيته
.................ماينقص في غلاهم لو ينحر موته
وسلامتكم
المواضيع المتشابهه
العرض الشجري