كيبورديه متواضعه
واقلبي اللي لافه اليوم لايف
هاجوس في داخل خفوقي يلوفه
لواحسافه وش تفيد الحسايف
حسافةً ماظن بعدها حسوفه
راح الامير اللي يسد الكلايف
اللي يشيل الكايده في كتوفه
نايف ومنزاله على راس نايف
الشق لامن طال بيده يروفه
يامزبن الي جاك يامير ضايف
يامدهل اللي عذبنه ظروفه
يفداك كل حاكم مع الناس جايف
حيثك حكيم ودوم نفسك عطوفه
مثلك قليل من الرجاجيل شايف
منك عدوك يرتعد فيه خوفه
مرحوم يامروي السيوف الرهايف
ياللي علوم اهل الوفا ماتطوفه
ياللي علومك ياخو نوره طرايف
من عادتك خطو الهديفه تعوفه
والموت ليته بس يجي للهدايف
ويترك لنا خطو النداوي نشوفه
قلته وانا ماني بجده وطايف
ولاساكنً حايل ولاجيت جوفه
قلبي مع قلوب النشاما ولايف
لاراح طيبهم علينا كلوفه
الشاعـــــــر عبـــــــدالله لهمود البدري العنزي
المواضيع المتشابهه
العرض الشجري