عزالله اني جيت ابنام وازريت
من يوم قــام الموت يطري عليه
يالله يلي فوق عرشك تساويت
تغفر لنــــا من كل ذنب وخطيه
يارب انا في حقك وصلك اخطيت
اغواني الشيطان والنفس سيه
وان ماغفرت لزلتي يوم زليت
حولت في نــــــار تلضى لضيه
اعوذبك منها يامنجي هل البيت
انـــك تنجيني انـــــــا والديه
ادعيك ياربي ليا اصبحت وامسيت
ترزقني الجنه يارب البريه
يارب انا عبدك لعطفك ترجيت
وانت الوحيد اللي له ارفع يديه
يارب ياعلام مابديت واخفيت
انك تغفر البينه والخفيـــــــــه
يارب يلي خالق الحي والميت
تحطلي عن واهج النار فيــــه
يارب حسن الخاتمه لا توفيت
ادعيك وانت اللي مجيب الدعيـــــه
وعلى النبي صلى المصلي وصليت
شفيعنـــا يـــــوم الخـلايــــق عــــريـــــه
المــــــــــوت
العرض الشجري