أم ترثــــي ولدهااااا .. .. ..

[الضيغم]

هذه أم فقدت ولدها في حادث سياره

فكتبت هذه القصيده رثاااء به



--------------------------------------------------------------------------------------------------
--------------------------------------------------------------------------------------------------

يالله يامنزل تبارك وألاعراف *** بافارج الضيقه عزيز الجلالي

تجبر عزا قلبي على فقد نواف *** وتحدني بالصبر لفراق غالي

جاني خبر نواف معدوم الاوصاف *** يوم الربوع وقلت عزي لحالي

أصغر أخوانه جا يخبر بما شاف *** والدمع من عيني على الخد سالي

بعد العشاء قلبي من الهم ينلاف *** والموقف اللي صار فوق احتمالي

قلت خبروني عسا ما صابه خلاف *** قالوا بسرعه لو سمحتي تعالي

نشدت وينه قالوا انه بالاسعاف *** ويمكن لشوفه مايجيلك مجالي

ويوم فجعوني صار بالقلب خفخاف *** اركض وصاب العقل مثل الهبالي

ورحت لحبيب القلب والدمع ذراف *** وحلو النبا له صوره في خيالي

لقيت نور العين ملحوف بلحاف *** والي هناك يقدمون العزا لي

ويوم الخميس محمل فوق الاكتاف *** للمقبره شالوه جمع الرجالي

ولولاي أخاف الله لاعدي بمشراف *** واني لاشق الجيب مما جرالي

لكن عساه بجنة الخلد ينشاف *** ويغفر له المعبود منشي الخيالي
رحمك الله يانواف