هي خيآنه بس مآودي ـآسميهآ خيآنه ..’’

[شمس الرائدية]

المدخل ..~
صباح اللي جمع عمره ,, وبآقي اسنينه القشره ..
وبدآ يمشي على مركآد ويسند ظهره الحآني ..!
تشوف ( الذل ) بـ عيونه وضيق الوقت بـ البشره ..!
تشوفه من القهر يبكي على حآله و (بكّآني) ..!

..1..
هيه يآصدري تضيق وضيقتك منهي عشآنه ؟!
وآحدٍ من عقب مآعزّك جرح قلبك وذلّه

ان بغى عيني حلآله وان بغى صدري مكآنه
بس وين اللي يقدّر حبّ خفآقي وظلّه ؟!

كن في صدري من الحرمآن وضلوعي ضمآنه
شلّة جروحٍ على نآر الحشآ والقلب دلّه

غشّني العود الليآن واثره اقسى من ليآنه
مثل مآيغشّ المتآبع في عنآوين المجلّه

مآيغثّ النفس ويخلي الرفيق يطيح شآنه
غير صدّة من تبي لآ شآف قلبك مشتحن له ،

اتحآشى واتصبّر واعتبر جرحه ميآنه
بس وش عآد اترجى يوم رآح الصبر كلّه ؟!

مآهقيت ان الوفآ مآله مع الايآم خآنه !
صح انآ صآدق يآوقتي ؟! / قآل لي وقتي : اي ب الله

جيت ي الرّجم الطويل ولوعة العآشق حنآنه
والزّمن زلآت ونغطّي على الزله ب زلّه

كنّ حآلي حآل من عوّد على رجوى مكآنه
يوم جآله شآف له شخصٍ غريب وفي محلّه

هي خيانه بس مآودي آسميهآ خيآنه
|[ سمّهآ غلطة خليلٍ مآعرف وش قدر خلّه ]|

..2..

مات الرجا ضاع الورق جفت اقلام
وانا اذكرك فالثانيه والدقــيقه

قل منتظر واقول انا منتظر عــام
قل واحشك واقول ويش الطريقه

شاعرك عزّم يوم رفـّت له اعلام
ومـْـن القراح وضفـته بلّ ريـــقه

ناداه ليل عـيـــونك وقال قداااام
ورّوح يدوّر فالخــيال الحقيـــقه

ياللي وصالك حاســبه عدة ايـام
غيبتك خلّت داخل الصدر ضـيقه !

ان كان قصدك تروي الروح الاوهام
اوهامك اهون من فراق ٍ مااطـيقه

ولعل قلب ٍ خاف من بعض الآلام
يـموت من كـثر الجـروح العميــقه

ينبض بحبك كل عرق ٍ وصمـّام
وطيوفك لعيني هي اوفى صديـقه

لاصرت اطاوع فيك عـاذل ولوّام
وراي ابادلك المـشـــــاعر رقيــقه ؟!

لك في ضلوعي شـاعر ٍ مابعد نام
وان نام هاجــوس القصـايد يفيــقه

أصدق من الدمعه على خدود الايتام
واحنّ من قلب الشــقيق لشـــقيقه!

يملى زوايا دفتري شـــــيح وثمام
ومن فــوق ريضان الحنايا بريقه

وبعض الغلا اللي قسّم المهجه اقسام
مثل الســجين اللي يدينه طلـيقه!

ولو للأمل باب ٍ تجي منه الاحلام
مااستوطن الياس بصدور الخليقه

والصمت ورد ٍ جف فتراب الانسام
يوم انســكب عطر الكلام ورحيقه

ياصاحبي عمر الهوى ماانتهى دام
به عـهـد مابـين الرفــيق ورفيــقه

من جيت لك والأرض في عيني حطام
والشوق ضيّع خطوتي في طريقه !

وقريت في وجهـــك ذنوبي والآثام
كنك تقول لخاطري ...في حريقه !

المخرج ..

جِيتِكْ مِنْ آلمَنفىْ وآدَوِر فِيكْ / قَآعْ
شَآعِر وفِيْ صَدرَه مِنْ آلخِيبآتْ / طِنْ
شِفنْي آرُشْ آلصَمتْ وآتنَفسْ ضَيآع
يآمآ تِعبْت آمَلآ تِشآعِيبِيْ .... حِزِنْ !

المدخل للشآعر : آحمد الحويطي
النص آلآول للشآعر : حمد البريدي
النص الثآني للشآعر: بندر آلمحياَ
المخرج للشآعر: نآصر بن حسين