راعي الظليمة

[مخاوي الشوق]

قالوا حكو بـــك قلــت وش هـــم يقــولون ..

وش قيــــل فيــنــــا يالوجيــه الفليــحه ,,

شوفوا مــــرد الهـــرج وش هـــم يطرون ..

حتى نعرف مـــــزوره من صحيــــحــــه ,,

كـــــــان الكـــلام من المعـادي على هون..

بعض المسبـــه بالمجـــــالس نزيحــــــه ,,

تجيــه عربــان من اللـــــه يخــافــون ..

عن الظليـــــمه ينصحونــــــه نصيحـــــه,,

لو كـان خلق اللــــه على الحـــق يمشون ..

كـــــان القلـــوب من الخطــــا مستريحه..

كـــم واحـــد بعروض الأجــــواد مفتــــون ..

وهو سلومـــه يفضحنّــــه فضيــــحــــــه ,,

وكـــم واحــــد يطعـــــن وهو فيه طعـــون ..

يذم ريــــح النــــاس والشيــــن ريحــــه,,

بعض كلام النـــاس تهمــــــات وظنــــون ..

قــول تنميــــه الوجيــه الوكيـــحـه,,

والظلـــم لو فـــازوا هلـــه مايدومــون ..

راع الظليمـــــه لا تبـــــاطا مطيحـــه ,,

والنــاس هذا النـاس من عصـر ذا النون ..

كل(ن) على دربـــه ركــــابه مشيحـــــه,,

مقـــرود يامــن بــــدّل اللــــون باللــون..

بعض الكـــــلام يحرفــــه عـــن صحيحه,,

والصــدق هـو والكـذب ماهــوب مقرون.

كـــان إنهــــا تـــدرس بلهجـــه فصيحـه ,,

مـــايمـــدح الرجـــل بالشكــــل واللـــون ..

ابحــــث معـــه لينــك تعـــرف القريحـــه ,,

تـــراك تعرف عنــــه وانتم تهرجـــــون ..

يبين لك من كـــــل جــــود نضيحـــه,,

المستريــــح اللي من الشـــك مـــــأمون ..

مع كــل خلـــق اللــه علومـه مليحـــــه,,

حــــي عليــــه النــــاس بالشكـــر يثنون ..

وإلا توفـى خـلـه (اللـــه يبيحـــه),,

وكــم واحد(ن) لـو هـو بالالحاد مدفون ..

ذكراه عنــــد النــــاس بيضـــاء صفيحــه ,,

وكــم واحد(ن) يجمــــع ملاييـن وخزون..

مــــال تنميــه الأيــديـن الشحيــحه,,

لاتشكـره رمـــلاء ولافـك مديــــــون ..

ولا حــل مشكلـــــة النطيــح بنطيـــحه,,

ولاله علــى جــــاره من الفضــل مـاعون..

لو أن جيـــرانـــه تشــوف الذبيحـــه,,

وكــم واحد(ن) جيران بيتـــه يحمــــدون ..

للجــار ريـــف وللجمــــاعه منيحــه,,

وكــم واحد(ن) منــه العــوادي يخــافون ..

زبــن المخيـــف الي كثيــــر فحيـــحه ,,

ربعــــه نهــار الضيــق فيــه يتـذرون..

لاجــــا نهـــار فيـــه لجـــه وصيحــه ,,

وبعــــض الرجــال بهــم شريفون وعفون ..

كل(ن) علــى مـاقـــال يرجـع لكيحـه ,,

وبعـــض الرجـال بضحكهـــم يستغلون ..

يجيبهــا من نــوع زلقـــــة بطيحـــه ,,

هــــذاك بين لـــه من الهـــرج مدفــــون..

خلـــــه الى شــــافــــك يزين سميحــه ,,

الهـــــرج لـــه نقــــاض والرد للشـــون ..

مــــزح الجــــزع يأثر بكبــــدك جريحــه,,

هـــذا وأنــــا مـــاني من النـــاس ملسـون ..

لاشــــك أنــــا أرفـض من تزايـد جميحه,,

قلتــــه وكــــل النـــــاس غيــــري يقولون ..

راعــــي الظليمـــــه لاتبــــاطا مطيحـــه