أنــتـ بــتــســافــر .. ؟؟ .. لــ ســعــد عــلــوش

[المهتوي]

انت بتسافر حبيبي ... نعم سافر وغيب

بس تكفى سم بالله على عقلي لاماع

لأن ماني قادر اوادعك وانته قريب

كيف وانت بعيد تبغاني اقول : الوداع

بس لحظه قبل لا انسى لا تنسى يا اللبيب

قل لما تملكه من مغريات ومن متاع

إني احبك ... واحبك ... واحبك لين اشيب

يعني لين اموت وانا احبك لنخاع

احشمك واغليك بالحيل والشيء الغؤيب

إني اكره كل فكره تقودك لانصياع

كان ما لمشكلة وصلنا الا حل عيب

كب حبي لك وسمه متاهات الخداع

لاني اطهر من بيخسر له على الدنيا حبيب

لانك انقى من وطت بطن رجله ظهر قاع

كثر ما يدعوني اهل الهوى ولا استجيب

كثر ما اسفط على بعدك ذراع ... ذراع

آه لا وقفت من بين بتصيب وتخيب

بين يدين المواليف وافواه السباع

وآه لا مني ذكرت ان كل له نصيب

وآه لا مني ذكرت ان على وجهك قناع

اشعر انه منخلق من عسل ورد وحليب

واشعر اني كل ما اذكره مجموعة جياع

ليت مالك في حياتك خوي ولا طليب

كان باخشك وسط خافقي واقول : ضاع

امحق الله سعو ولف الهيام وقطع صيب

من يبكي مقلتين الشجاع بن الشجاع

لو على (( البحرين )) شرهة ودمعات ونحيب

كان ما خلتك تقفي عن حدود (( الرفاع ))

ولو (( جنيف )) تحس في جرحي المر العطيب

كان ما تاخذك مني وتعطيك ضياع


أتمنى أن تنال على إعجابكمـ ،،

دمــتــمـ بحفظـ الله ورعايتهـ ،،