جوابٍ عاجل لطـاش ماطـاش

[حاكم المطيري]

.

..

...



قصيدة تحكي عن الواقع قصيدة لها مكانتها بين القصائد قصيدة ما أقدر أقووول رائعه وجزله

لإنها أكبر من ذلك

أتمنى أن تحوز على رضاكم والعذر والسموحه ما أعرف شاعرها :


[poem=font="Simplified Arabic,5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
البارحة كن الفضاء غرفـة انعـاش=وانا المريض الـي حياتـه كسيفـه

والهـم ذيـب ٍ للمعاليـق عــراش=والقلب شيخ ٍ واعضم الحزن ضيفـه

واليا نشدنـي واحـدٍ قلتلـه مـاش=مابـه جـديـدٍ للقـديـم بنضيـفـه

ياليتها ضيـق ٍ فـالأرزاق واعتـاش=اعتاش لو ما القى بعمـري وضيفـه

وليت السبب حب ٍ للأطراف رعاش=كـم ٍ وليـف ٍ ماحصـلـه وليـفـه

مير البـلا لاشفـت للديـن نهـاش=امن النفـوس الحاقـدات الضعيفـه

ومن عادتي لا جبتها جبتهـا كـاش=والي زعل يزعل على كيـف كيفـه

هذا جوابٍ عاجل لطـاش ماطـاش=يخزي وجه ناصر ويخـزي حليفـه

مانقبـل الصـوره بتفكيـر حشـاش=لأهل القلوب الطاهـرات الشريفـه

لا عاش من يشتم هل الدين لا عـاش=ولا عاش من يشهر على الدين سيفه

ذولا هل التوحيـد يالغـادر الغـاش=ريفك وريف الي خذا الوقـت ريفـه

اقلوبهم بيضا وابيض مـن الشـاش=وافعالهـم عنـد المعـادي كليـفـه

ذولا رجال الدين ياكلـب الاحـواش=الله مكرمـهـم بمـلـه حنـيـفـه

ولا انت ضايع بايـع الديـن ببـلاش=بصيرتـك بيـن البصايـر كفيـفـه

بكره ليا جتك المنيـه علـى فـراش=ومرت حياتك قـدم عينـك عصيفـه

وحسيت في روحك تراقى مع الجاش=ودموع عينك فـوق خـدك ذريفـه

عرفت بأنك مرتكيلك علـى قشـاش=وانك ضلمت اهل القلـوب النضيفـه

في وقتها مالك من المـوت منحـاش=بيحاسبـك راع العـدل والنصيـفـه

ولحدن بمرمش لا توفيـت برمـاش=جيفه ومن يبكي من النـاس جيفـه؟

ان عشت يا خفاش وان مت خفـاش=مايفقـدك غيـر العقـول الخفيـفـه

وختامهـا مانـي بجايـك برشـاش=لأنا بحكم اهـل السيـوف الرهيفـه

مير افهم الموضوع ياطاش ماطـاش=واتـرك تفاهـات اليهـود السخيفـه [/poem]


...
..
.