[frame="5 80"]من اهم النصائح اللي اقدر اقدمها لكم في البداية: قراءة التعليمات على علبة او كيس الباستا نفسه .. بعض الانواع تنضج خلال 8 دقائق والبعض الآخر يحتاج وقت اقل شوي او اكثر
للاحتياط خذي قراءة سريعة للعلبة
* دائما اختاري قدر كبير لغلي الباستا ( اكبر من الحجم اللي راح تطبخيه ) وانتبهي من كمية الماء المضافة لان الماء القليل ماراح يعطي فرصة للباستا تنطبخ كويس
بينما الماء الكثير راح يفوض ويخرب لك الدنيا
* اضيفي الملح الى الماي بعد الغلي مباشرة .. لانك لو ضفتي الملح قبل الغلي راح يتأخر غليان الماء ولو ضفتيه بعد الغلي وبعد ما تحطي الباستا ماراح تتشربه الباستا ويمكن يصير الاكل ملحه قليل
ودائما احرصي على ذوبان الملح تماما قبل اضافة الباستا للماء المغلي
اضافة الزيت الى الماء المغلي يمكن صحيح يمنع التصاق الباستا ببعضها لكن في نفس الوقت لو كنتي مسوية سوس ماراح تتغطى الباستا فيه بسبب وجود الزيت
طيب ايش الحل ؟
الحل الوحيد هو وضع كمية مناسبة من الماء والتقليب المستمر للباستا اثناء الغليان .. هذا اللي يمنع التصاقها
الطريقة الايطالية لطبخ الباستا تعتمد على وضع الزيت بعد الطبخ وليس قبله
لو تركتي الباستا على النار فترة طويلة راح تصير لينة وتعطي نكهة تشبه نكهة الطحين فيها بالاضافة الى ملمس لزج !! ولو صارت خشنة كثير ايضا راح تفشل الطبخة
والحل ؟
انك تبدأ بقياس درجة نضج الباستا بعد 3 دقائق من الغليان وتكرري العملية الى ان تحسي انها قربت تصير ناضجة هنا تصفيها ( لان عملية غليان الباستا ماراح توقف بعد التصفية )
طبعا لو كنتي بتحضري باستا مثل الفوتشيني مو لازم تنضج تماما لانك بتكملي طبخها بعد اضافة صلصة الالفريدو
بعد التأكد من نضج الباستا .. صفيها في المصفاة الخاصة ( ثقوب وسط مو صغيرة كثير ) عشان تنزل كل الموية ( لو حبيتي تقدري تاخذي كوب ونصف من ماء غلي الباستا لتحضير الصلصة ) لان بيكون فيه خلاصة الباستا والنشا فبيعطيك صلصة 100 %
وهزي المصفاة مرتين او ثلاث وخلاص يكفي
يمنع غسل الباستا بالماء الا لو كنتي بتستخدميها في عمل سلطة فقط
يجب ان تحضر الباستا قبل التقديم مباشرة .. لو كنتي محضرة نوع بسيط مثل باستا الفريدو او باستا بالبولونيز اخلطي الصوص على الباستا المصفاة وقلبيها بسرعة عشان تتغطى كويس وتقدم فورا
ودائما اختمي اطباق الباستا برشة فلفل اسود مطحون طازج مع جبنة البارميزان
عشان تخلي ابسط اطباقك ... طبق ولا اروع
وبالعافية على قلوبكم
منقول[/frame]
المواضيع المتشابهه
العرض الشجري