السلام عليكم.............؟؟
كيف الحال ؟؟؟؟؟؟؟؟
الموضووع عباره
عن مضاربة بين ضب وبعير
تراها مضاربه مابعد تطورت وصارت معررركه
يعني اطمنكم مافيه ضحايا
ندخل بالموضوووع
--------------------------------------------------------------------------------
لضب : غريبة يالبعير وش مصحيك ها الحزة
البعير: ايه ....ما جاني النوم
الضب : ليه عشقان يابو بقشه
البعير: أي عشق.. يامال الفشق يا آخي هاالناقة اللي عندي فلبيت ناشبة بحلقي ومنكدة على عيشتي طول اليوم تزن على راسي مثل الدريل تقول انقلني انقلني..وماتبي الديره هذي
الضب : وين تبي تذلف
البعير: تبي طريق جده المدينة
الضب: طلقها طلقها ...أنا حرمتي قالت لي انقلني جحر ثاني ونقلت ورقت طلاقها لجحرها <---قوي
البعير : انقلع انقلع عن وجهي أنت وحلولك اللي مثل وجهك
الضب: ليش ليش الغلط يعني المدام كارشتك تحط الحره فيني كخخخ
البعير: أقول لا يكثر هرجك ابلع لسانك واندس بجحرك لين يجونك حقين الشكمين
الضب: إيه حقين الشكمين يحلبون حريمك يا ( ........)
البعير: أنا ولد الفاطر .. أنت قد الهرجة هذي وصلت للأعراض
الضب: يا أبوي بلا عرض بلا طول حقين الشكمان يطاردونا ويحفون ورانا لكن انتم يركبونكم
البعير :والله لا جمع عيال عمي وووو........
الضب : عيال عمكم شفهم مدعسين بطريق الرياض القصيم ولا تلقاهم متفحمين على أسلاك الكهرب بالخطوط كخخخ
مسوي فيها قبايل وعندكم فزعه يا قطاعين الطرق.
البعير: طيب قرب قرب ليش تتكلم من بعيد يا شيخ دعسه وحده بحدا رجولي ولاك ترافس
الضب: هه اتمرجل على ناقتك أول بعدين تمرجل علينا
البعير: أقول وينك أنت يالله بالله أشوفك تجي تشتغل عندي حكاك
الضب: وش معنى حكاك
البعير:هههههههههه حكاك يعني تحك لي ظهري بعكرتك واعطيك هوا اخرالشهر ههههه
اللي على طاري الهوا يقولون انك تشرب الهواههههههههههههه حقين الشكمان يقولونه
الضب: خلي ناقتك تحكلك ظهرك بالزبيرية يالبعير السايب المعيوف
البعير: أنا معيوف وسايب والله لاعلقك مع عكرتك واخليك ضحكه للورعان مثل ما يسوون فيك بعض الناس
الضب : أقول بس... من وين جاك الورم اللي فوق ظهرك كخخخخ
البعير: أي ورم
الضب: هههههههههههه تستهبل...شكل واحد ضاربك بعجرا على ظهرك
البعير: أقول بس.. تذكر يوم يصيدون حرمتك الأولى وتجي تصيح عندي مثل الحريم "....شفتها تناقز بقدرهم والنار تحتها وبطنها مفتوح ولا قدرت تنقذها" تذكر تذكر
الضب: دمعت عيونه والله ما خليك تشمت فيني
البعير: لا لا يا ابو عكرة لا تصيح سامحني سامحني
الضب : خلاص سامحتك وأنت بعد سامحني
البعير : تعال سلم سلم
الضب: يقرب
البعير:ممممممووووووووح
تحس ان الضب واحد مكفخه وجاء يحط حرته في البعير
ههههههههههههههههههههههههههههههههههههههههه
مع تحياتي
برشا برشا
المواضيع المتشابهه
مشادهـ كلامية بين ضب و بعير ++ لاتفوتكم ++
العرض الشجري