[align=center]يوم طاب السهر عيت تطيب النفـوس
جت من الله وانا اللي كنـت محتاجهـا
كنها من حلاهـا كـل ليلـه عـروس
خايفه من عيـون النـاس واحراجهـا
حي هالطول يازولٍ عسـاه امحـروس
من عبـث لوعـة الايـام وازعاجهـا
تزعل انفوس واللا تمتلي غيـظ روس
من يقـرب لهـا وضلوعـي سياجهـا
لامتى وانت ياشوق القلوب امحبـوس؟
طالـت السالفـة وابطيـت بعلاجـهـا
جعل قلب على نار الغيـاب امحمـوس
يحتـرق بيـن صاليهـا ووهاجـهـا
من خبر له غلا بين الضلوع امغـروس
غرسـةٍ كلّبـو شعـري مـن انتاجهـا
لاتقرب لـك الفرقـا هذيـك الهجـوس
من متى والبحـور اتفـارق امواجهـا
لازم اصبر على وجه الزمان العبـوس
لين سود الليالـي يضحـك احجاجهـا
من بغى يقطع الفرجه يعاف الجلـوس
ليـن ياصـل نهايتهـا ومخراجـهـا
كان شعري قصر ماطال سمش الشموس
تستريـح القصايـد داخـل ادراجـهـا
[/align]
العرض الشجري