قصيدة : ياسر التويجري ـ زياد والشهادة ..

[أبو رائد]

الســـلام عليكم ورحمة الله وبركاته


الأخوة والأخوات الكرام ..

من ضمن ما أعجبني من قصيد

هذه الرائعة .. للمبدع : ياسر التويجري

وبإمكانكم سماعها أيضا

[rams]http://www.alraidiah.net/sound/yaser/yaser01.mp3[/rams]
للتحميل اضغط يمين الماوس هنا ثم حفظ باسم



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا(زياد) أرجـوك روّح لاتجينـي فالشهـادة=وأنت ناجح في الدفاتـر والقواعـد والعلـوم

أنبسط عني هنـاك وعـز قلبـك بالسعـادة=جعل وقتك مايذلك وأنت من ذيـك القروم

عزتي للـي تعلـم بـس ماشـااف استفـادة=من كثر ماهوب يخطي مل من زرق السهوم

دكنـي وقتـي بجيشـه واستلمنـي في جـيـادة=دك ممشوق تفحـم فالحـويـة والجـمـوم

يا(زياد)أن قلت رايـق مالقيـت الا النكـادة=وان تصنعت الوناسة ماتجرعـت الهموم

أملـك الـقـدرة ولـكـن ماتكفيـنـي إرادة=ومن عذر رمشي لو انه حت والمسرى سموم

والإرادة لو تغلت عن هواهـا فـي القيـادة=كان ماتنجح ووقتـك ضاع بأفلام الرسـوم

والله أنـي ياأحزانـي ماتمنيـت الـجـلادة=لين أنا مليت من نفسـي وضوقـت الهـدوم

صار مابي غير عظم نخـرة وقت الإبادة=وان وقفت آقـف غياره وان قعدت اعجز أقوم

والزمن ماهوب يرحم والوفي ملهييه زاده=والهبايب كلها شملا وعجزت للغيوم

لو صحيـح الحـظ يرقد ثم يصحـى مـن رقـاده=كان أنا ماقام حظـي عنـد بيبـان الرخـوم

جعـل حـظ مثـل هـذا مرجعـه كبر الـوسـاده=واليا رقد ليته علـى الله مـن رقـادة ما يقـوم

يانهايـة فـرح عـود ماورثـت الا أشــداده=والكرامة والصلابـة فـي مواقيـت اللـزوم

أنت عندك علم بأن البخل لو هو فيـك عـادة=أي بمعنى انك أنـت إنسـان لكـن محـروم

وأنت عندك علـم بـأن اللـي يكثـر في النقـادة=أن اسمه عندنا رجال ماهـوب محشـوم

وأنت عندك علم باني ماحسبت حساب نـادة=آو عطوة ألفين كاش وبشت من ضمن العموم

وإلا أنا مبطي معرف عند أصحـاب السعـادة=والمعالي والسمو ودخت من حـب الخشـوم

لأني اثبت ما أتنازل عنـد رغبـات الريـادة=ولاني اصلا مقبل اخدم وأنـا بالفعـل مخـدوم

ادري انه ياعضيـدي كـل شـئ وارتـداده=والدليل أني أذوق أردود فعلي كـل يـوم

اشهد ان الوقـت مر..وقلـه الحيلـة قـراده=والا أنا ماعاد باقي دمـع الأطـراف الكمـوم

القهـر أنـي معشـم فالمسـارى والحمـادة=مفلت ٍ حبل المراجـل ومتمسـك بالسلـوم

ودي اجهل كل حاجه ..وادفن الحلـم بمهـادة=بس وقتي لـو تركنـي ماتركنـي في الوسوم

يـا(زيـاد)أرجـوك عـود جيب يا خوك الـشـهـادة=واطلب اللي بيد أخوك وربنا المولى رحـوم

العشـم إنـا بعضنـا كلنـا نفـس الإفـادة=أنت ناجح في علومك وأنـا ناجـح بالعلـوم[/poem]



ولكم التحية ،،