يا طير خبرني

[عبدالله اليامي]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياطير هات العلم من دار الاحبـاب
الـي خـذو قلـب المولـع نهيبـه
ياطير طمني علـى سـود الاهـداب
خبري بهـا نجل(ن)وتفنـي كتيبـه
والموت ساس الموت لا لبست انقاب
زفرات قلبي لجلـه اكبـر ظريبـه
نظرات خلق الله لها كلهـا اعجـاب
كل(ن)تمنى ومنيتـه يحتظـي بـه
والقلب هدد في بعـاده بالاظـراب
والعين تشكي مـن ليالـي رهيبـه
ملعون عشق البيض يلعب با الاعصاب
يجعـل معنـا القلـب حالـه صعيبـه
ياليتني ياطير حارس علـى البـاب
وامنـع ردي النـفـس لا يلتقيـبـه
وياليتني في عنق خلـي لـه حجـاب
من شـر حاسـد يحسـده لا يصيبـه[/poem]