أبشرك طاح ..!! // أحمد الصانع ..

[~أصداف~]

.
.



دخول :


ما مرتاح من ربعي ..
ولا مرتاح !
نادوني ..
وركضت بـ ليل
إيد " الرسن " بيها ..
وإيدٍ بها " سلاح " ..
تعثرَتْ مُهرتي ..!

و ..

" ربعي " قبل ماطيح
واحد قال للثاني :
" أبشرك " طاح
أبشرك " طاااح " ..!!!

لـ كاظم إسماعيل ..//


[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وأنا مثلك مع ربعي يـا [ كاظـم ].. حيـل مـو مرتـاح ..!=كأنهـم بيـد عطشانـه .. وكـأنـي بينـهـم [ واحــه ] !

خذا بعـض الأسـى بعضـي وبعضـي ويـن منِّـي راح ؟!!=وقلبـي قاتلـه حزنـه ( سَ قَ ط ) مقتـولـه أفـراحـه !!

أجيهـم .. نيِّتـي بيضـا ويجُونـي فـي شكـل أشـبـاح !=لأجـل راحتهـم أتعـذَّب .. عـذابـي عنـدهـم راحــه !!

تصدِّق ..؟! حيل متضايق ( خساراتـي ) لهـم " أربـاح " ..!=ضحكت وكانت الضحكه مـن الصدمـات و [ السَّاحـه ] ..!!

إذا ربعك مثل : ( غابه ) .....؟! أنا ربعي مثل : [ مسباح ] ..=وأنا شخـصٍ .. عجـز يجْمَـع ( نَثِـر ) حبَّـات مسباحـه !

وإذا صارعـت مـن أجـل القرايـب قـوَّة التمسـاح .....؟!=أنـا حتَّـى البعيـد اللِّـي يجيـنـي مــااات تمسـاحـه !!

زرعت الطيب فـي قلـب " الحجـر " وإستغـرَب الفَّـلاح ..=قفل حظـي مـع ( الفرحـه ) .. ألاقـي وييييـن مفتاحـه؟!

تعـب : لا كنـت فـي ظلـم السجـون وضايـع المفتـاح !=معـاك الحـق لكـن [ العـدل ] .. مـا فــاد مصبـاحـه !

عتـب : لا صـار يتبشَّـر صديقـك .. والألــم صــدَّاح=وعـدوِّك كـان فـي لحظـة سقُوطـك , تنـزف جراحـه !!

يابحر .. يا موج ..يـا شـط الصداقـه .. كنـت لـك مـلاَّح=سفينـه كـان لـك قلبـي .. ولكـن غــدرك إجتـاحـه !

حرام : إن كـان لـي واحـد وأناديـه بـإسـم يـا صـاااح=مدامـه " صاحبـي " بإيـده سقانـي .. السِـم بـقـداحـه !

سمعت إصياح من عين المراجل ...؟!إي / سمعت / إصياح ..=و [ طيـر ] المرجلـه فـي هالزمـن متهلهـل جنـاحـه !!

( صديقي ) صار معناها بـعيني .. واحدٍ " سفَّـآ111ح " ...!=لأنهـم أغلـب أصحابـي .. علـى الطعـنـات ذبَّـاحـه ..!

وفا شنهو الوفا ....؟! [ شَمعٍ ] كثر مـا يشعلونـه سـاح !!=ورمـحٍ يصنعـه وقتـي ( وربـعـي ) حـيـل رمَّـاحـه !!


يجـي واحـد مُنـى قلبـه .. يشتـت فينـي [ الأفـراح ] !!=وواحد ضـاق لـو يلمـح عيونـي .. تنـام " مرتاحـه " !!


و ..واحـد قـال للثانـي : مـن المُهـره أبَشْـرِك طـاااااح=كأن بـطيحتـي يلقـى السعـاده ..... و طفـرة أرباحـه !!
[/poem]


الشاعر المبدع / أحمد الصانع ..