نجوم الليل والغربه يذكرني زمان فات
............. يذكرني ربيع العمر واسترجع ملفاتي
سرى بي هاجس الذكرى وراحت بي الهموم وجات
............. سنى الذكرى يحرك ثورة الاشواق في ذاتي
انا الهايم/ وانا المغرم/انا الساهر مع النجمات
............. وانا اللي قسم اوقاته [ حنين’,وصبر و’،اهاتي
الا ياصاحب الذكرى ..من اجلك كم كتبت ابيات
............. ولاجلك عشقت اللي معك مضى واللي معك فاتي
عظيم الشوق للماضي يحطم باقي الحسرات
............. ويرسل بالأمل نوره على دربي وخطواتي
انا بجامل الواقع واعايش وقتي اللي فات
............. واخلّد صورة الماضي على رسمي ولوحآتي
المواضيع المتشابهه
العرض الشجري