رد على قصيدة اللقب للشاعر الكبير طلال الرشيد

[البــــــــــدر]

قصيدة اللقب للشاعر طلال الرشيد رحمه الله كلكم يعرفها ويعرف قوتها
وهي قصيدة ( ياصغير مايكبرني لقب ) رد عليها احد الشعراء والذي فضل عدم ذكر اسمه وقال الشاعر المرحوم انها من أفضل الردود على قصيدته ،،، فإلى القصيدة :


[poem=font="Simplified Arabic,4,white,bold,normal" bkcolor="teal" bkimage="" border="double,9,indigo" type=2 line=0 align=center use=ex num="0,black"]
شاشو الحجلان واشتد الغضب =انخنا ياشيخنا وانت الامير
لامركم نمشي بلا عذر وسبب =وان بغيتونا على اليمنى نصير
لايهمك هرج حساد وذنب =البحر ماخبثه كثر الهدير
الله اللي كملك طيب ونسب = وزينك بالعقل والراي البصير
مايثيرك من حكا فيك وكذب =ولايكدر خاطرك ميت الضمير
غرته دنياه ولا عنده ادب =مايحسب للعواقب وش تصير
جاهل ماشاف بالدنيا تعب=كبرت متونه من نوم السرير
مادرا انك من صواريم العرب=من حرار بالهدد فعله كبير
من سناعيس بحزات الطلب =ياحصل يوم عبوس قمطرير
كم شيخ عن ملاقاكم هرب=من نوى حرب الطنايا يستخير
فعولنا وصلت الى حمص وحلب =وان بغينا درب ملزوم يصير
ننطح الجمع الكبير اليا حظب= نرفع البيرق ومن خلفه نسير
يشهد التاريخ وش عنا كتب=والشجاعه مالنا فيها خشير
للمعادي سم وللصاحب رطب=وللخوي والضيف ديباج وحرير
مانهاب الموت لو دونه عتب=نارد حياض المنايا ماننير
نحمد اللي من فضل جوده وهب=كاسبين الطيب بالحد الشطير
من نوانا بخير يبشر بالرحب=ومن نوانا بشر مذموم حقير
عشت ياشيخ على العليا وثب=نفتخر بك ياطلال ونستنير
والسلام بمنتهى شعري وجب=ياصلك عذب كما نقع الغدير
احلى من در البكار اليا انسكب=في محاجر فيضة عشبه كبير
من ضمير بالوفاء منكم شرب=جمة تلقا بها ورد وصدير
من قديم العهد مانش ونظب= مثل بحر(ن) طامي وسطه غزير
قلتها ياشيخ ماقصدي طرب= والله اللي عالم(ن) مابالضمير
من هموم شبة بقلبي لهب= لابغيت النوم عيني تستذير
حاير(ن )فكري يالله العجب = وشفت من وقتي تنكر وتغيير
صارت العقبان تخشى ابو حقب = والحصاني قامت الغبشه تزير
ماريالله انك لاتخيب لي طلب=مخرج يوسف من غباة بير
تحفظ النا الشيخ عزيز اللقب=وتحماه من كل غدار شرير[/poem]