يـانـقـطـة التـفـتـيـش

[الاهلي]

السلام عليكم ورحمة الله وبركاته
...
..
.



يانقطة التفتيش مليت مليت
ماعاد حل(ن) باقي(ن) في يديني
اضحك مع العالم وانا داخلي ميت
وقلبي من الغبنه يجر الونيني
كم صارلي وَانا على الحال ضليت
ماحد(ن) اجي يمه ولاحد(ن) يجيني
كله سبايب علةٍ يالعناتيت
عيت تفارقني وحزني دفيني
عجزت اقاوم دمعتي مير هليت
دمعي ولا لي غير ربي عويني
قالو علامك غارق(ن) بالتناهيت
وش في كلامك يابو برجس حزيني
قلت الصديق اللي من سنين خاويت
مدري علامه صد يالغانميني
اتل العهد سلم عليَ ورديت
كنا بخشم العان وسند يميني
ومن عقبها ماشفت زوله ولا اوحيت
صوته ولا ادري وش حصل بالسنيني
قالو غريبه وش حصل انت زليت
قلت الوفا طبعي وطبعي ثميني
والله ماذكر اني بحقه اخطيت
لله ابد مايوم خانت يميني
انا عنزي على المبادي تربيت
من اسرةٍ مثل الثريا تبيني
(هذا الخوي والضيف ومقاصر البيت)
نرعاه لو السيف حد الوتيني
ومن راح في كيفه انا ماترديت
ماشناه لاوالله فاتح يديني
والله ماعنّه دلهت وتناسيت
دايم في بالي ساكن(ن) وسط عيني
عل المزون اللي بها الغيث ياليت
تمطر بْداره كل صبح(ن) وحيني
وتلقى البختري والنفل والنوابيت
كل(ن) يقول الزين عندي وفيني
هذا جديدي بالشعر يوم غنيت
واسف إذا بالقاف خط(ن) حزيني