[align=center]
لغه حارقه تتوقد غضباً وتتورد ادباً
وقصيده مدوّيه كالانفجار
للشاعر محمد العايد
ياجاهلِ بالمعرفة إٍلعـن إٍبليـس
ولاّ على راسك تدور المصايـب
حنا الطنايا كاسبيـن النواميـس
حنا الطنايـا كابسيـن العصايـب
حنا نحـل مشربكـات اللواليـس
حنا الطنايـا متعبيـن الركايـب
حنا مناوي مرهفات الاحاسيـس
وحنا هوانا بالأمـور الصعايـب
يومن همك بالغناء والمراويـس
حنا لنا بالمجـد حـق وطلايـب
حنا قروم المجد حنا السناعيـس
المجد مـع دم الشراييـن ذايـب
تزهر بأسامينا بياض القراطيـس
وبوجودنا يستبشـرن السحايـب
ارزاقنا ماهـي بغـشِ وتدليـس
يوم ان علم مورد الخـد خايـب
وش عاد لو قالو يدينا مفاليـس
الرزق عند اللي يديـر الهبايـب
واقدامنا عدت وعار التضاريـس
وجباهنا تعشق سمـوم اللهايـب
وصدورنا تغلي هموم وهواجيس
لاطوّحن بالصوت شقر الذوايـب
لعيون خدرات العيون النواعيـس
نارد حياض الموت والخوف غايب
وليا جبرنا الكسر نضبط له القيس
وليا كسرنا العظم ماهو بطايـب
وهبه من الله ماخذينـاه تدريـس
سبحان قسّام العطـا والوهايـب
وسلامتكم الجميع
ابو غلغل [/align]
المواضيع المتشابهه
العرض الشجري