يـــا ســـعـــود

[بـــقـــايـــا حـــي]

0

السلام عليكم ورحمة الله وبركاته


هذي قصيدة اعجبتي وحبيت اكتبها لكم


,,,,,,


شفتها يا سعود صدفة بعد ما غابت سنين ,,, عند قسم المختبر وسط مشفى الجامعة


جيتها ثم قلت ممكن في سؤالي تسمحين ,,, ناظرت فيني بدهشة نظرة متواضعة


قالت انت تحسبني من بنات ٍ صايعين ,,, تحسبني في زماني عن طريقي ضايعة


قلت انا ما راح اطوّلها كلبوها كلمتين ,,, وابعدت عني شويه ثم جتني راجعه


قالت اسأل واضح انك من رجال ٍ طيبين ,,, بس هرجك يا السنافي كان وشهو دافعه


قلت انا حبيت وحدة يوم كنا صغيرين ,,, ومن ثمان سنين راحت للمواصل قاطعه


عقبها ما ذقت نوم يهتيه النايمين ,,, ساهر ٍ في طول ليلي لين شمسي طالعه


اذكر انه فيه حبه فوق ثغره من يمين ,,, واذكر انه لا جرينا كن شعره تابعه


واذكر انه عاشق ٍ فالورد الياسمين ,,, صار قلبي بالورود اللي عشقها زارعه


طابع ٍ اسمه بقلبي فيه سين وفيه عين ,,, وفيه ألف وفيه دال وسط قلبي طابعه


قاطعتني بقولها سبحان رب العالمين ,,, كررتها مرة ومرتين ورابعه


قلت وشفيك وشبلاك يا بنيه ترجفين ,,, ليش عينك يا بنيه من كلامي دامعه


قالت الموقف وقلبي والمحبة والحنين ,,, كيف اشوفك بعد ما كنت عنك قانعه


قلت انا بسألك ان كانك انتي تذكرين ,,, عن مواثيق ٍ ثمنها من حياتي دافعه


قالت ظروف الزمان ماتطيع العاشقين ,,, بيّعوني غصب حبك لو هو ماني بايعه


انا في دنياي حالي كنها حال السجين ,,, حتى لو فكوا سراحة فيه شي ٍ مانعه


زوجوني غصب واحد و احرموني حاجتين ,,, السعادة في زماني والحياة الرائعه


والحين انا ام لثلاثه عندي ريم وياسمين ,,, والولد اسمه على اسمك والمشاعر جايعه



,,,,,,


اتمنى ان القصيدة تنال استحسانكم


تقبلوا تحياتي


لـــيـــه؟؟؟