بسم الله الرحمن الرحيم
السلام عليكم ورحمة الله وبركاته
يطول الوقت .. وتْدوم الزعامه ×× و"زعيم القرن " ما لاقـت لغيـره
هلال اليوم .. بدرٍ في تمامـه ×× تميّـز .. بالبطـولات .. الكثيـره
من ابن سعيد..لسعود الشهامه×× وعبدالله .. وبندر.. خير سيره " 1"
وابن حمدان مع فيصل ..علامه×× وعبدالله ابن ناصر .. مسيره "2"
وهذلول العطا .. حب وكرامه ×× وابن مفتي .. عقولٍ مستنيـره "3"
وْخالد بن محمد .. له مقامه ×× هلالييـن .. والسيـره شهيـره "4"
وْعبدالله بن مساعد.. سهامه ×× تصيب اهدافها .. فكر وبصيره "5"
وابن فيصل محمد في نظامه ×× تجاوز به .. ظروفٍ له خطيـره "6"
وْكل اللي تفانوا لـه .. وسامـه ×× كثيريـن .. ومواقفهـم كبيـره
نجومه هم شموعه في ظلامـه ×× يحبونـه .. ولا يرضـون غيـره
وجماهيرٍ .. تنافَس في غرامه ×× غفيـره .. فـي محبتهـا جديـره
وطموحاتٍ .. تعانق كل هامه ×× تسابَقْ واشعَلَـتْ بالغيـر غٍيـره !
سفيرٍ للنوادي .. باقتحامـه ×× مياديـنٍ .. علـى غيـره عسيـره
هلال ازرق مع الاخضر مرامه ×× سعوديّ الشعـار ..اللـي يديـره
"زعيم القرن" .. كفوِ للزعامه×× سفير .. وشهرته فـي كـل ديـره
1/ المؤسس عبدالرحمن بن سعيد ، سعود بن تركي ، عبدالله بن سعد ، بندر بن محمد .
2/ ابن حمدان ‘ فيصل الشهيل ، عبدالله بن ناصر
3/ هذلول بن عبدالعزيز ، محمد بن مفتي
4/ خالد بن محمد ،
5/ عبدالله بن مساعد
6/ محمد بن فيصل الرئيس الذهبي الحالي
هذه قصيدة لشاعره من شاعرات الهلال في منتديات الزعيم تلقب بالمملكه
المواضيع المتشابهه
العرض الشجري