قصيده في بنت الجيران

[شاب طموح]

بسم الله الرحمن الرحيم

السلام عليكم ورحمة الله وبركاته

هذه القصيدة قالها أحد الشعراء

عندما شاف بنت جاره دائما كاشفة وجهها

فقالها لجاره عشان يفهمها ... ..



ياجار كانك طعتنـي برقـع الطيـر
طيرك وحش واقلوبنـا مستميتـه

لولاي رجلٍ من رجال بهـم خيـر
ماصد وأغض النظر مـن بخيتـه

ياجار طيرك كل ماعرّض اعصيـر
مـدري علامـه يلتفـت مادعيتـه

يمر كنّـه شـارد الصيـد لاذيـر
لابوه لابـو حـي حيّـه ، وميتـه

اغير,وانذر ، وانذر القوم ، واغير
وابيع روحـي ، وانهـزم لا بغيتـه

يردّنـي يا جـار طبـعٍ لنـا غيـر
الجـار مانـدرج لغـرَات بيـتـه

يبقى على حشمه ، وشيمه ، وتقدير
ويـروح عنّـي بالـردى ما قفيتـه

من خوف شيِ مابعد صار ، ويصير
يمّا هدمـت البيـت ، والاّ بنيتـه

بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه

يحدنـي يـم الخطـا دون تبريـر
اللـي بلانـي بالهـوى ، مابليتـه

وانا بشر منـي خطايـا وتقصيـر
الله يغفـر كـل ذنــبٍ جنيـتـه

الله يوفقنا واياكم