[grade="00008B FF1493 008000 4B0082"][align=center]السلام عليكم ورحمه الله وبركاته
تحيه طيبه لكم
نكتب بعض اليوميات الى ماتعجبنا وهي اشي كثيره لكن لا يمكنن حصرها في
وقت واحد
ولكن لى عوده اذا ارد الله معا العلم اني كتبت موضوع اسمه تعال هنا
وفضفض بس هاذي فضفضه من ناحيه ثانيه وباسميها
,,,, يوميات مواطن ,,,,,,,,
اولا: تجي بتروح السوق تشتري اغراض تاخذ موقف حلو وتنزل معا ان غرضك
مايبي له غير ثواني لكن لى فن السواقه عندك والذوق تاخذ مسفط
حتا لى ثواني يجيك واحد عربجي توه سارق السياره ويسكر على سيارتك
ويروح بيشتري يحصل واحد من العرابجه ويبتدا مسلسل الحش( غطو على البنات)
ثانيا: لحظت صفه موب حلوه عند الشباب وخاصه في كورنيش الخفجي
يجون العوائل من الساعه اربعه او خمسه العصر ويتخذون اماكن لهم على الشاطي
وبما العوائل انهم مبسوطين ولكن جات الحزينه تفرح مالقت لها مطرح ثواني
الا شباب الكوره الشاطئيه يلعبون عندهم وكل شوي رايحه الكوره لهم ولو سمحتي
كل ذا البحر ومالقيتو غير ذا المحل ؟ والله عجيب امركم ياشباب الغفله
ثالثاً: يتكشخ الولد ويبخ من هالعطور ويظبط الكوبرا وتجي امه تقول قبل لايطلع
يولدي وش رايك توديني لى السوق شوي يرد عليها يمه انا مستعجل حاليا
معزوم عرس وتاخرت عليهم ويطلع ويركب الماي باخ حقته هههه( كراسيد)
ويروح للسوق الى هو( ليله زواج بي النسبه له اذا رقم له بنت)
فهل الاحسن انك تاخذ دعوه حلوه موجله لي ليله زواج مواجله في القريب العاجل
او ان تاخذ دعوه سريعه غاضبه من بعض اولئك الناس الذين يتاذون من مرورك
بجانبهم في السوق ... يالله انك تحسن الحال يارب
رابعاً: وبي نفس القصه الى الفتها فوق بس العكس تكون معا الاخت تقول الاخت
لة اخوه تعال خذني من المدرسه يوم الاربعاء تكفا ترا الباص يطول وانا ما احبه
يقول مانيب فاضي عندي شغل في الدوائر الحكوميه(وش عنده القصيبي)
وتقبل البنت هاذ الرفض بي الحزن وتنصدم ثاني يوم الى هو الخميس اذا راحت
لبنت عمها في منطقه ثانيه وتقول مدريتي اخوك امس يفتر عندنا في المدرسه
مزاجك رايق يامغزلجي . . . .
خامساً: وبتكلم بصراحه وليسا الخيال يازين مسجدنا لاصارت الاختبارات
النهائيه ياربيه مره مره مره زحمه حتى الفجر ماشالله ( الله يهديهم)
بس فيه شي يقهرني اني ما اشوف المنظر هاذ الا اسبوعين من كل اخر سنه ؟ ؟
الله يصلحكم بس
سادساً: الاهل ماصدقو ان ولدهم صار رجال ويسوق وبيفكهم شوي من الكتمه
وبيوديهم ويمشيهم ويسافر بهم لان ابوهم رجال كبير ومسن ومتعب
لكن للاسف تجي عكسيه على العائله ويسير الولد يسافر برا ويترك اهله
واذا رجع استخسر عليهم ريح البحر ونسيمه واذا اعتذر معزوم والله اليوم
( ذبحنا تفكير العرابجه)
سابعاً: شي انا ما احبه يوم 25 عربي تدرون ليه لان منطقتنا العزيزه
مافيها غير اربعه بنوك والمشكله تمسك سرا الين الصباح ولا جاء دورك قالو
معاد في المكينه فلوس ؟ واذا لقيت فلوس قالو بس بطاقه البنك الخاصه
طيب والى جاي زاير من برا وبيسحب وبيسكن معا عائلته في الخفجي العزيزه
هذاك اليوم وش يسوي ينام في الكورنيش يعني؟ والله عجيب امرك يادنيا
ثامناُ واخيراُ ولى عوده انشالله
هو ان ياتي قائد دوريات متسلط في منطقه صغيره وكل شبرين سوا له تفتيش
لحاله .؟
بالله هاذ قانون او قانونه قانون هتلر ؟ والمشكله والمصيبه يعطي من
ذا المخالفات وفي الاخير الشباب يجبون واسطات ويرجع يقابلهم وياخذ من هم
المخالفات ويمسحها هو بنفسه؟!؟!
طيب ليه الاحراج خليك زي الباقي ترا كل الى في
الدوريات عيال تسعه يـــ . . . . لكن حدث بلا حرج
لي عوده انشالله
الحقوق محفوطه لدى power speak اتمنى محد يزعل فاهي مجرد افكار
من قلمي الخاص لكن اتوقع الى قلته موجود في يوميات اكثراً[/align][/grade]
المواضيع المتشابهه
يوميات مواطن....(جميع الحقوق محفوظه)
العرض الشجري