فتيآت خلف اسوار الاحتكآر

[لبى جنوني]

السلام عليـكم ورحمة الله وبركـآته
مساء و صبآح .. صآفٍ ك صفآء قلوبـكـم ..



تحايآ ملؤهآ الحب والتقدير لـ اعضاء هذا الصرح الشامخ ..
قضيه اثارت غضبي من قبل .. عبر قصص تتناقل بيننا ..
و تلاها موضوع طرحه احد المتخلفين بنظري .. يطرحه بكل فخر .. و
اقرأهـ بـ كل إحتقار لـ شخصه وتفكيرهـ ..



اضعه بين ايديكم .. بـ انتظآر تفاعلكم ..



الحيآة من وجهه نظري تبنى اساساتها على الثقه .. لوفقدنا هذه الحلقه .. لدخلنا في دوامة الشك والقلق و الأمرآض النفسيه ..
الثقه امر مهم في تعاملنا مع الاخرين ..
فكيف بها اذا كانت مع اقرب الناس لكم اخواتكم .
لآ أريد الخوض في طريقه الثقه وكيف يجب ان تكون
لكن حديثي عن حآل الفتيآت..بعد انعدآم ثقه اخوتهم .. ومن حولهم بهم ..
سـ اترك حريه النقاش لكم .. بعد ان اضع بين ايديكم اقتباسات لـ اراء .. اثارت غضبي ..



بـ البدآيه قريت موضوع ..وهو رأي بطرحه .. واثار فضولي لـ اراء العقليات الشبيهه له ..
فـ بحثت عن اراء اخرى



الأول لـ شخص طرح مووضوع يطالب الاخوهـ بـ التجسس على اخواتهم




[بالنسبة لي اقولها و راسي مرفوع :
اي نعم انا اتجسس على اختي
اقرا ايميلاتها و اسجل محادثاتها بالماسنجر
افتش جوالها و اقرا رسائلها
بل حتى خزانة ملابسها افتشها من فترة لفترة


رآاسك مرفوع ؟
تضع اختك في موضع الشك .. تحاصرها بالظن السئ وترفع راسك ؟
وش رايك بعد تفتش الوشسمه ؟!
ڪلن يشوف الناس بعين طبعه
انا لو منك اقتدي بالنعامه..واوطي راسي بالارض احسن


السبب : هو ان اختي اغلى ما املك و شرفها اعز عندي من كنوز الدنيا
اختي جوهرة مكنونة و اخاف عليها و لهالسبب اراقبها و احرص عليها
و يمكن هالشي خلاني انا و الوالد نقرر ان اي وحدة من خواتي تقعد في البيت و ماتكمل دراسة بعد المتوسط بسبب البلاوي اللي في الكليات و المدارس
الله يلعن ابو تعليم يسبب لي فضيحة


التعليم فضيحه ؟ ونعممم
انا والوالد ؟
عذرآ .. العتب على ابوك..اذا هذي نظرته ماعليك شرهه ..
من شآبه ابآه ..... ؟



[يمكن بعضكم بيقول عني متزمت او متشدد و هذا راي احترمه لكني افضل اكون متشدد على ان اختي تسبب لي فضيحة و يجي يوم القا جنين ميت في الحمام]



اللي واضح لي انك مو خايف على اختك خايف على نفسك من الفضيحه .. قلتها بلسانك



[نعم اتجسس على خواتي لانهن جواهر اخاف عليها من لمس الاوغاد
و بعيد عن التشدق ترا كلنا شباب و ندخل انترنت و مشبكين بنات و نعرف لاي مدى انتشرت العلاقات العاطفية بين بنات هاليومين
على بلاطة انا اخاف يصيرون خواتي مثل البنات اللي انا متعرف عليهم بالنت ...بايعات انفسهم برخيص لكل احد]


مشبك ؟ اللي على راسه بطحى ..... ؟!
ليش يحق لك مالايحق لاخوآتك .. انت تشبك مع بنات الله...وهم تڪتم عنهم الهوآآ
ابشرك ڪمآ تدين تدآن .. ومصير الزمن يدور..ويرجع عليك




[انا انسان متزمت و محافظ و اراقب خواتي ...و اضربهم اذا اخطو ... مع انهم اكبر مني بالعمر
وارجع اقول ان السبب : خوفي عليهم و لانهم اغلا ما املك
احب خواتي...اخاف على خواتي...احرص على شرفهم الغالي ...و هالشي يخليني اقسى عليهم
القسوة احيانا تعني المحبة]



طيب .. لهنا ويكفي ..
انت خلك على جنب على مانشوف اخوياك من نفس هالنمونه ..و
بعدين يقولون من حبك طقك او ذبحك
وعمر المحبه يابطل ماڪانت بقسوه



-----------



الأبطآل اللي هنا.. ڪان موجه لهم سؤال .. تحب تفتش اخواتك .. وكآن جوآبهم .. الأول



[صــراحة الاهــل لابــد لهم من المراقبــة (* حتى الجوال *) وانــا معاهم في ذلك !!
لان زيادة الثقــة تنتهي بما لا نشتهي !! وانا صراحة أحب اراقب !! رادار !! خخخ
يعني اراقب خواتي خخخ ... يوم يكونو بعيييد عن التلفون ... عشان يمكن اني اكتشف شي ... واقدر احلــه ... ولا نترك الامـــور الا أن تتأزم ..
ما صــح كلامي ؟؟؟اللــه يعــين اولادي ف المستــقبل]


كويس .. انت عارف ان اولادك مسسساكين ..
ياخي الاعتراف بالحق فضيله ..
وبعدين وش بتكتشف بترول ولا نووي عشان افتش معك ؟



جآ واحد نشمي بعدهـ.. ورد .. كفوو صرآحتن .. كان يقول الاخ ...




[الله عليك...لو كل الابااء مثلك كنااا بخير..



وخااصة البنااات اللي هن ضعيفات وما يعرفن يتصرفن ... احيانا الوحده عندهاا مشكلة بس ما تتكلم اللين تتازم المشكلة ويصبح حلهااا مستحيل...ب س اذا اكتشفنااا هالشي بيكون الحل اسهل..صح مو؟؟



بس عاااد بحدوووود.... مو ليل نهااار تفتش ومشتغل راادار... كذاا بتكره اهلك واخوانك فيكـ
بس لو كان السؤال تحب احد يفتش جوالك .. طبعااا لا والف لا...لا جوالي ولا لاب توبي ولا غرفتي حتى..
مو كبر بس احس اني قااادر اتصرف واحل مشاكلي بروحي بدون تدخل احد.....]

حيرتني مو كل كلامك عجبني الا ان اخره ماعليه
بس تدري وين العجب العجآب
انك مآتبي احد يتجسس عليك بس يصلح انك تتجسس بين فترهـ وفترهـ ..؟
يآرآجل..قل كلام غير هذا ..
ترا لنا عقول توزن بلد]




ڪثير مانسمع عن ضرب و تعذيب .. واحتڪار لـ الفتيات .. بسبب ظن السوء ..





وماننسى قوله تعالى
( يَا أَيُّهَا الَّذِينَ آمَنُوا اجْتَنِبُوا ڪَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا )





عموما ..




ابي رايكم بها الموضوع
رايك بموضوع الثقه ..
هل انت مع او ضد هـ الاراء
التفتيش .. التجسس .. نظرتك اتجاهه بها الحالات
اڪثر الاسباب لـ انحراف الفتيات بوجة نضرك
اترك حريه الرأي والحديث لڪم ..

وبـ النهآيه ..








الاحترام + الثقه + التربيه الصحيحه = بيئه سليمه لـ عائله مترابطه