تفضل هذا طلبك
ليه الجفا
لشاعر / ياسر التويجري
يامعذبتني ليه هذا الجفا ليـه
وأنتِ تضمين الثرى من ظلالي
وش ذا الغرور الله يّحمد تواليه
من وين جالك هالكبر والتعالي
تعالـي انتِ دام كلٍ وماضيه
الحب ماهو بس حقي الحالي
لا تذبحيني بالعتب والمشاريه
والله مابيدي سوى راس مالي
معزتك وايضا القصيد ومأسيه
والضيف لا جاء والحطب والدلالي
وعن حلفي اللي قلت طيرٍ يعشيه
كفه ليا بردت عليه الليالي
يعني ثلاث اشياء املك من التيه
لساني وقلبي وطنخة عقالي
أدعيك في كل اسمٍ يسمونكِ فيه
يا أم الحسن وأم الترف والدلالي
عودي لقلبِ صار ماعاد يمديه
يرقّع اللي راح يا هملالـي
وإذ أن قلبك وده انه انا ادعيه
بإسلوبٍ افضل يرتقي للمعالي
ممكن أحاول اتحضـر واناديه
واقولله اذا تحسن مقالـي
ياجمرة الوجد المسمى وطاريـه
ويا عقـد باحجار البحر واللئالي
المواضيع المتشابهه
العرض الشجري