[poem=font=",6,,bold,italic" bkcolor="transparent" bkimage="" border="none,4," type=1 line=1 align=center use=ex num="0,black""]
يسيح بالي لا اندمج ليل مع ضو=يعني بشروق الشمس والا غيابه
يصبح خيالي بير وافكاري الدلو=والبوح فوقه بالمشاعر سحابه
يمطر على ارض المحبين بالنو=تنبت قصايد لين ما اتشوف غابه
تصير ظل يظلل الرحل البدو=وتسقي ضما اللي ماتلاحق سرابه
وشلون لو سافرت في مثل هالجو=كني أشوف الشعر ألي فك بابه
يزهم ينادي يا الأحاسيس نقو=من هو يشدك ياترى للكتابه
وقالت وهو غيره به البال يسمو=وينه حبيبي يالمشاعر هلابه
لو صابته حالت عدم فطن للسو=يفتح فمه من ينظره في غرابه
معذور ما الومه لو يكون وشو=من شافها من دون تلبس نقابه
خده جليد لايدهن سطحه الضو=ضو الغسق مع الشفق كيف جابه
ولو الشفايف حمرة الشمس بس لو=على البحر و الموج منها اكتسابه
وجنود بحريه بصبح صيف صفو=وصف الثمان ليا سمع له دعابه
وجنحان شيهانه بعلو حيل تدنو=حواجبه بينه وبينه تشابه
وعينه مثل فنجال داخله صبو=حمسة شمالي قهوته هي شرابه
واللي بوسطه ورد لازم يحطو=يشبه قوامه كل شي ن زهابه
لو يلبس العادي بفرح فيه مدعو=كل ن سأل من وين يشري ثيابه [/poem]
المواضيع المتشابهه
العرض الشجري