لا يطوفك صورنا مع ......

[ابومعاذ النافل]

قبل اشهر تقريبا كنت في اجازة من الدوام .....

وصادف وقت اجازتي هو وقت توزيع جوائز مزاين الابل الذي كان في ام رقيبة قريب من الارطاوية

طبعا ام رقيبة محطة بانزين عندها بر يجتمع فيه اهل الابل لعرض ما لديهم من ابل مزاين ويكون فيه بيع وشراء وبجميع الاسعار يعني استعراض عضلات ...... وصراحة انا مالي بالابل بس يوم شفت ابل المزاين دريت ان اللي عندنا (اقصد) الابل ولا شي عند ابل المزاين بس ما ادري على ويش يكون التقييم ..!!!!! بس سمعت ناس تقول على سنامها وعلى خفها وطوالها وبراطمها ....... والله لو يبي يتزوجها ما دور على هالاوصاف ههههههههه .
المهم مو هذا موضوعنا بس فيه شي ابي اقوله بصراحة اللي ما راح قبل كذا لا يطوفه السباق الجاي والله بتشوف هوايل بصراحة شفت فحل ما ادري وش اسمه بس صغير وما بعد ضرّب مسيوم بمليونيين 2000000 ريال وما باع صاحبه .... والله ما ادري ليش منتظر ليش ما يبيع والله لو هو عندي كان استحي اجيبه عانية لصديق .... صغير وما يجمل بس يقولون امه فلانة وابوه فلان ..... ياعمي طييير اي ابوه اي امه والله ناس فسقانه وبلشانه بالفلوس ويبون يطلعون لهم شغله ........ رحنا فيها لا يكون زعلوا اهل الابل ...هههههههه

المهم ( كل شوي اقول المهم ) فيه شي شدني في السوق نسيت اقول لكم ايام المزايل تجي ناس من كل دول الخليج ويصير البر والله كنك داخل ديرة خاصة بالليل ويصير البر انواع المطاعم ومحلات تفتح ولوازم بر وخيام و....... و ما تشوف الا الانوار بكل مكان وانواع الكشافات والمهايط وانواع السيارات اللي ما ادري من وين تطلع علينا ..... المهم خخخخخ شدني في ذاك الوقت سيارة جاية تستعرض وتبيع اذا تبي تشتري بس اللي بالسيارة اشياء من عهم جدي وجدك اشياء قديمه مرررررررة وحتى السيارة ما ادري وشلون وصلت لام رقيبة قديمة ولا لا يطوفك اللون عشبي فاتح موه ..... قصدي اخظر فاقع المهم السواق واحد قصيمي شايب ولا يقولك ما تتفرج الا بريال .... الله يديم الرخص ابد ريالك ورح تفرج كأنك داخل ملاهي الحكير تذكرة وحدة والعب لين تتعب بس هذا لا تلعب تفرج لين تتعب ما ابي اطول عليكم ..... ادري طولتها بس هذي الصور توضح السيارة ومحتوياتها ...... بالموت رضى يخلينا نصور بعد ما دهنا سيره وارضيناه بالمقسووووووم

هذه الصورة الاولى



وهذي الثانية



والثالثة هنا



الرابعة هنا


والخامسة


وهنا الاخيرة قصدي اللي قبلها


والله ادري طولتها بس هذي آخرها



وشكراً لمروركم ودورياتكم هههه
ابو معاذ