السلام عليكم ورحمة الله وبركاته
يقول صاحب القصيدة:
مسـراك بـدري توّنـا بــاوّل اللـيـل
لليـل تالـي ..وأطيـب اللـيـل تالـيـه
دوب أستـوى فنجالهـا صبّهـا هـيـل
وأرو الضرم ..واقدع من الوقـت حاليـه
الجـو مغـري للسـهـر ..والتعالـيـل
ليل ..وهوى بحري ..وشاطي ..( وشاليه )
عليـك فـيـه السلهـمـه بالمظالـيـل
وأنـا علـيّ أغفـر لرمـشـك تعالـيـه
مادامهـا للقلـب عـطـر ..ومراسـيـل
ليه أحرمـه ليلـه مـن أحـلا لياليـه ؟
نظرتـك موجـز ..والسوالـف تفاصيـل
وشفـاك مخلوقـه تسـولـف بعالـيـه
سولف _فديتك _مامعـك مـن محاصيـل
أبغـا اسمعـك عطنـي جديده..وبالـيـه
صوتـك خيـالـي للسنـيـن المقابـيـل
حفظـت مـن نبراتـه أغلـب تحالـيـه
ألهمنـي أنـدر ماانكتـب مـن تماثـيـل
حالـي قصيـدٍ كـل عاشـق يلالـيـه !
منها نوثّق شـي مـن (تجربـة جيـل )
وفيهااعتراف إنّـك علـى القلـب واليـه
وفيها مـلاذي عـن همـوم ..وغرابيـل
مانـي بمعطـي شـي لاصـرت خالـيـه
كلّـي عطا..حـتـى تـهـزّ الفناجـيـل
لليـل تالـي ..وأطيـب اللـيـل تالـيـه )))....
وهالله هالله بالردود 
(((
المواضيع المتشابهه
الجو مغري للسهر والتعاليل...ليل وهوى بحري وشاطئ وشاليه
العرض الشجري